جوزجان ده یتیم‌تاق ساحه‌سی نینگ ایکی گاز قودوغی قازیلیش قراردادی، داوطلب‌لیکدن کیین بوگون (شنبه، ۱۶-سرطان)، کابل ده یولگه قوییلگن خبری بیر ییغین‌ده کانلر و پترولیم وزیرلیگی و «سفیر دریلینک سرویسزیز» اسملی تورکی بیر شرکت آره‌سیده امضالنگن.
کانلر و پترولیم وزیرلیگی سرپرستی شهاب‌الدین دلاور نینگ ایتیشیچه، چقورلیگی ۱۶۵۰متر بولگن مذکور ایکی گاز قودوغی نینگ قازیلیش قراردادی، بیر ییل‌لیک مدت بیلن ییتی میلیون ۵۰۰ مینگ دالر ارزشی گه امضالنگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، مذکور ایکی قودوق نینگ قازیلگنی‌دن کیین، بیر کیچه و کوندوزده ۳۰۰مینگ مترمکعب گاز نینگ قازیب چیقریلیشی ممکن. «شبرغان نینگ یتیم تاق ساحهسیده ایکی گاز قودوغی نینگ قازیلیش قراردادی؛ بو قرارداد نینگ امضالنیشی نی ایسته‌یمیز و بو توغریده بیراز معلومات بیرماقچین‌میز که داوطلب‌لیک نی سفیر دریلینک سرویسیزیز اسملی تورکی بیر شرکت ۷.۵ میلیون دالر گه غالب بولدی و ۱۶۵۰ متر چقورلیگی بولگن اوشبو قودوق نینگ قازیلیش ایشی بیر ییل‌گچه صورت تاپه‌دی.»
کانلر و پترولیم وزیرلیگی سرپرستی نینگ ایتیشیچه، افغانستان میلیارد‌لب مترمکعب طبیعی گاز نی ایشلب چیقریش امکانیتی گه ایگه دیر که بو آره‌ده یالغیز آمو دریا نفت حوزه‌سیده نیچه قودوق‌دن بیر کیچه و کوندوز ده ۶۰۰ مینگ مترمکعب گاز قازیب چیقریله‌دی.
کانلر و پترولیم وزیرلیگی مسئوللری نینگ ایتیشلریچه، تشقی بیش شرکت نینگ حضوری بولگن اوشبو داوطلب‌لیک‌ده، «سفیر دریلینک سرویسیزیز» اسملی تورکی شرکت برنده اعلام بولگن.
مذکور شرکت مسئوللری نینگ ایتیشلریچه، ایکی گاز قودوغی نینگ قازیلیشی بیلن افغانستان ده اونلب کیشی گه ایش زمینه‌سی یره‌تیلیشی ممکن.
بیزلرنینگ «ایکس» ترماغی ده هم تعقیب قیلینگ!
مذکور تورکی شرکت باشلیغی قدیر کرکوچ نینگ ایتیشیچه: «بو لایحه‌ده نیچه تورک انجینیر نینگ ایشله‌یشی ممکن و شونینگدیک اونینگ یانیده حاضر ایسه افغانستان یشاوچیلریدن ۵۰ ته‌سی گه ایش زمینه‌سی یره‌تیله‌دی و اوزون مدت‌ده ایسه کوپراق کیشی گه ایش زمینه‌سی یره‌تیلیشی ممکن.»
کانلر و پترولیم وزیرلیگی سرپرستی شهاب‌الدین دلاور نینگ ایتیشیچه، تیزلیککه فاریاب ولایتی طوطی‌میدان ساحهسیده بیر میلیارد دالرلیک ۴ مینگ کیلومترمربع گاز قراردادی نینگ تشقی بیر شرکت بیلن امضالنیشی ممکن.
افغانستان نفت و گاز طبیعی ذخیره‌لری گه ایگه بولگنی بیلن، حاضرهم دنیا ده اوشبو ایکی اونملی ماده‌لر نینگ وارد قیله‌دیگن مملکتلردن دیر.
