تورکیه دولتی، ۱۲ ییل‌دن سۉنگ سوریه پایتختی دمشق‌ده ایلچیخانه‌سینی قیته آچگن.
تورکیه آناتولی آژانسی، ۲۴-قوس، شنبه کونی ترقه‌تگن بیانیه‌‌سیده، دمشق‌ده اوشبو مملکت‌نینگ ایلچیخانه‌سی ۱۲ ییل‌دن سۉنگ قیته آچیلگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
دمشق‌ده تورکیه ایلچیخانه‌سی ۲۰۱۲-ییل، ۲۶ مارچ‌ده توخته‌تیلیب، ایلچی و باشقه خادملری تورکیه گه قیتگن اېدیلر و سوریه‌ده بشار اسدنینگ دولتی قوله‌شی بیلن بو مملکت ایلچیخانه‌سی فعالیتی گه قیته باشله‌گن.
معلومات‌لر اساسیده، موریتانیا ده تورکیه ایلچیسی برهان کور اوغلو، دمشق‌ده تورکیه ایلچیخانه‌سی‌نینگ وقتینچه‌لیک شارژدافیری اوله‌راق اېتیب تعیینلنگن.
بیزلرنینگ «ایکس» ترماغی ده هم تعقیب قیلینگ!
سوریه‌ده بیش دهه‌دن کوپراق بشار اسدنینگ عایله‌وی حکومتی قوله‌شیدن کېین، تورکیه سوریه بیلن دیپلماتیک مناسبتینی باشله‌گن بیرینچی مملکت دییلگن.
بیر دهه‌دن بیری تورکیه و سوریه اۉرته‌سیده دیپلماتیک مناسبت کېسیلگن اېدی. تورکیه ایلچیخانه‌سی ۱۲ ییل آلدین سوریه‌ده ایچکی اوروش‌لر و ناتینچ‌لیکلر باعث فعالیتینی توخته‌تگندی.