هرات ولایتی‌ده «لیموزین» و رستورانت رسوملی ایکی موتر کورگزمه گه قوییلگن. مذکور ایکی موتر اوتگن پنج‌شنبه کونی، ۲۸-ثور، هرات شهری نینگ سرک‌لریده آزمایشی شکلده هیده‌لگن.
تیزرفتار موتر توزه‌تووچیسی غوث‌الدین بارکزی نینگ سلام‌وطندار گه ایتیشچه، اوشبو موتر «فورگرس» رسوملی دیر و آلتی ایشیک‌لیک لیموزین شکلی‌ده توزتیلگن. اونینگ کوپه‌یتیریشیچه: «اوچ کیشی بولیب ۵۵۰ مینگ افغانی خره‌جت بیلن اوشبو موتر نی توزه‌تدیک. مذکور موتر نینگ قنده‌ی توزه‌تیلیش فکری نی هم خارجی موترلردن آلدیک.»
بیزلرنینگ توییترده هم تعقیب قیلینگ!
شونینگدیک رستورانت رسوملی موتر توزه‌تووچیسی محمد‌قاهر طاهر نینگ ایتیشیچه: «اوشبو موتر‌دن یالغیز رستورانت اوچون قوللنیله‌د و بیر رستورانت نینگ برچه امکانیتی مذکور موتر ایچیده جایلنگن. کیله‌جک‌ده تیزرفتار موترلر توزه‌تیش خصوصیده هم نیتیم بار.»
شونده‌ی بیرحالده، هرات کان‌لر و صناعت اتاقی مسئوللری، اوشبو ایکی موتر نینگ توزه‌تگنلریدن حمایت بولینیشی خصوصیده تاکید قیلگن.
هرات کان‌لر و صناعت اتاق رئیسی حمید‌الله خادم نینگ ایتیشیچه، مذکور موترلر نینگ توزه‌تگن کیشی‌لر ایشلری رواجلنیشی اوچون، سرمایه یاتقیزووچیلر نی همکارلیک بولینیشی خصوصیده تشویق قیلیشی ممکن.
خادم نینگ کوپه‌یتیریشیچه: «مملکت‌ده کوپینچه استعداد‌لر گه ایگه بولگنی‌میز اوچون، کیله‌جک‌ده تشقی مملکت‌لر گه افغانستان تامان تولید بولگن موترلر صادراتی خصوصیده امید‌ی‌میز بار.»
باشقه بیر تامان‌دن، هرات محلی اداره مسئوللری نینگ ایتیش‌لریچه، اوشبو اداره مذکور ولایت نینگ برچه استعداد‌لی یییگت‌لریدن حمایت قیله‌دی.
بیزلرنینگ فیسبوک صحیفه‌میزگه باش اورینگ!
هرات حاکمی سوزلاوچیسی نثاراحمد الیاس نینگ سلام‌وطندار گه ایتیشیچه: «برچه ییگیت‌لردن حمایت قیله‌میز و اولردن ایچکی تولید‌لردن قوللنیش و خودکفالیک اوچون بیر بیریمیز گه یاردم بیریب و حمایت قیلیش نی ایسته‌یمیز.»
عین حالده، نیچه مدت آلدین کابل ده بیر ییگیت آرقه‌لی سپورتی تیزرفتار بیر موتر توزه‌تیلگن ایدی و شونینگدیک نیچه کون آلدین هم، تخار و غزنی ده ییگیت‌لر، موتر و زرهی تانک توزتیب و کورگزمه گه قویگن ایدیلر.
