هر کونی ایرتهلب ساعت ۶:۰۰ ده کابل شهری پل هارتن حدودی گه یېتیب بارهدی و یول حرکتی قاعدهلرینی قوللش همده شهردهگی موترلر گوجوملیگینی باشقریش بیلن، سرکلرده ترتیب آلیب کیلیب و یشاوچیلرنینگ باریب-کیلیشینی آسانلشتیرهدی.
کابل شهری خیرخانه یشاوچیسی بولمیش محمدنواب صافی، حاضر ترافیک ریاستیده کنترول و مراقبت بوییچه مدیر اولهراق ایشلهیدی، شهر گه ترتیب آلیب کیلیش و سرکلرده یول حرکتی قاعدهلرینی عملگه آشیریش اوچون ۳۰ ییل عمرینی اوتکزگنینی ایتهدی.
اونگه کوره: «ایرتهلب ساعت ۶:۰۰ده وظیفه گه کیلهمن کیچه ساعت ۱۰ گچه؛ بیز قانوننی عملگه آشیریش گه مسئول میز و وظیفه گه کیلگن حالده یول حرکتی قاعدهلرینی ترتیب گه سالیش اوچون برچه ضعیف حدودلرنی تېکشیرهمیز.»
صافی هوانینگ ایسیق و ساووغی گه قرهمسدن، یشاوچیلر قولیلیک و آسانلیک بیلن مقصدلریگه ایریشیش اوچون سعی-حرکت قیلهدی. اونگه کوره، بالهلرنینگ سرکدن اوتیشی اوچون التماسینی قبول قیلگن حالده، اوشه آنگدهگی تبسملری اونگه ایشینی دوام ایتّیریش اوچون ېنه کوپراق کوچ-قوت بیرهدی.
او شوندهی دیېدی: «ایرتهلبدن شام گه قدر سرکده توریش جوده هم قیین؛ بیراق بالهلر کیلیب سرکدن اوتیشنی التماس قیلهدیلر؛ شونی باشقچه کیفی بار؛ قانون چوکاتیده وظیفه اجرا ایتیش و خلق گه خذمت قیلیش عبادت حسابلنهدی.»
صافی گه کوره؛ یول حرکتی ساحهسیده قیلهیاتگن ایشیدن آلهدیگن درآمدی بیلن او آزیق-آوقت، کییم-کیچک، طبی اوسکونه و تیریکچیلیک اوچون باشقه احتیاجلرنی ساتیب آلهدی.
صافینینگ ایتیشیچه، اهالینینگ کتّه قسمی یول حرکتی قاعدهلریگه عمل قیلمهیدیگن شهرده، یول حرکتینی باشقریش جوده قیین. بو حالت بعضاق اونده امیدسیزلیک حسینی هم اویغاتهدی.
اونگه کوره: «فرزندلر آته-آنه گه نسبتن حرمتسیزلیک قیلسه؛ اولر ناامید بولهدی و یخشی فرزند یېتکزه آلمهدیک دیب اویلشهدی؛ بیزنی ایشیمیز هم خودّی شوندهی؛ هیداوچیلر قاعدهنی رعایت قیلمسهلر؛ بیز هم خفه بولهمیز – نیگه هیداوچیلرنی اورگته آلمهدیک دیب.»
بو کیشی گه کوره، یوللرنی کېنگهیتیریش، منتظم شهر ترانسپورتینی یولگه قوییش، اهالینینگ یول حرکتی قاعدهلریدن خبردارلیگینی آشیریش همده کېنگ و ستندرد پیادهلر یولکلرینی قوریش تیربندلیکنی کمهیتیریشی و اهالینینگ باریش-کیلیشیدهگی معمالریگه چېک قوییشی ممکن.
گرچی یشاوچیلر یول حرکتی قاعدهلریگه اعتبارسیزلیگی بعضاً صافینی ایشدن چرچهتیب دلینی ساوتسهده، او بو تویغونی اعتبارسیز قالدیریب، بری-بیر کوچهلرده ترتیب اورنهتیش اوچون حرکت قیلیشده دوام ایتهدی.
