امریکا قۉشمه ایالتلری جمهور باشلیغی دونالد ترامپ بایلیگی آرتیدن یوز بیرهیاتگن اۉزگریشلر ېنه بیر بار فوربس اعتباریگه توشدی.
اوشبو ژورنال معلوماتیگه کوره، امریکا رهبرینینگ مالیهوی حالتی میلادی ۲۰۲۵-ییل سپتمبریدن بیری سیزیلرلی درجهده پسهیگن. اگر اوتگن آی باشیده اونینگ عمومی بایلیگی ۷.۳ میلیارد دالر دیب بهالهگن بولسه، حاضرگی پیتده بو رقم ۶.۲ میلیارد دالرگچه توشگن.
یعنی قیسقه وقت ایچیده ترامپنینگ سرمایهلری تخمیناً ۱.۱ میلیارد دالر گه کمهیگن. فوربس بو کتته یوقاتیشنینگ اساسی سببینی ترامپ میدیا و تکنالوژی گروپ سهمی کمپنیهسی قیمتینینگ توشیشی بیلن باغلهماقده.
شونینگدیک سهامی بازاردهگی بوندهی سیلجیشلر نهفقط کمپنیهنینگ عمومی قیمتیگه بلکی ترامپنینگ شخصی سرمایهسینی هم جدی تأثیر آستیده قالدیردی. بازاردهگی تشویشلر، سیاسی بیقرارلیک و میدا کمپنیهسینینگ استقباللری بارهسیدهگی سواللر سهاملرنی ېنه پست گه تارتماقده.
فوربس ریتینگیگه کیلهدیگن بولسک، ترامپ حاضرده ۵۹۵-پغانهده تورگن. بو ییرده هم جدی پسهیش کوزهتیلدی. سپتمبر باشیده بو حتا دنیانینگ ۲۰۱-اېنگ بای کیشی صفتیده قید ایتیلگندی.
قیسقه وقت ایچیدهگی بوندهی کتته فرق امریکا یېتکچیسینینگ بیزنس بازار بوییچه قنچهلیک تیز اۉزگریشی ممکنلیگینی دقت بیلن کوزهتماقده – چونکی سیاسی میداندهگی هر قندهی اۉزگریش کمپنیه قیمتیگه ېنه تأثیر قیلیشی ممکن.
