امریکا جمهور باشلیغی دونالد ترامپ، مملکتی آرقهلی نایجریا ده داعش گه قرشی کوچلی بیر هجوم اویوشتیریلگنینی معلوم قیلگن.
اونینگ ایتیشیچه، مذکور هجوم اوتگن کیچه نایجریا شمالغربیده جایلشگن «سوکوتو» منطقهسیده و بو مملکت ایستهگی بیلن عملگه آشیریلگن.
ترامپنینگ کوپهیتیریشیچه، داعش نایجریا شمالغربیده مسیحیلرنی نشانگه آلگن. «امریکا نایجریا ده داعشنینگ ترورچیلری برابریده کوچلی بیر هجومنی عملگه آشیردی.»
امریکا گه کوره، اوشبو هجوم عاقبتیده داعش اعضالریدن نیچه تهسی هلاک بولگن. ایکی آی آلدین امریکا جمهور باشلیغی، نایجریا ده مسیحیلرنینگ تهدید بیلن روپهره بولگنینی بیلدیریب و اولر برابریده زورهوانلیکنی توختهتیشده بو مملکتنینگ امکانیتسیزلیگی سبب، حربی ارهلشووی توغریسیده آگاهلنتیرگن.
