امریکا جمهور باشلیغی، کالیفرنیا ایالتی لاس انجلس شهریدهگی کینگ ناراضلیک نمایشلرنی کنترول قیلیشگه قرشی عکسالعمل بیلدیریب، ایکی مینگ ملی گارد عسکرینی یوبارگن. اوشبو کوچلر، دوالد ترامپنینگ مهاجرتی قانونی برابریده کیتمه-کیت ایکی کون ناراضلیک نمایش یولگه قویگن اعتراضچیلر بیلن قرشی کورهشیش مقصد یوباریلگن.
رویترز بوگون (۱۸-جوزا، یکشنبه)، گزارش بیریشیچه، مذکور ناراضلیک نمایشلر امریکانینگ مهاجرت و باجخانه ادارهسی خادملری جمعه کونیده ۴۴ کیشینی مهاجرت قانونلرینی بوزیشگه عیبلب قولگه آلگنیدن کیین باشلنگن. بو عملیاتلردن قطاری بویوک دکانلر، کییم-کیچک کارخانهلری و انبارلر یقینیده عملگه آشیریلگن.
بیزلرنینگ فیسبوک صحیفهمیزگه باش اورینگ!
اوشبو اعتراضلر جریانیده، فدرال خوفسیزلیک خادملری لاس انجلس جنوب شرقیده جایلشگن پارامونت منطقهسیده اعتراضچیلر بیلن توقنشگن. خلقارا ییتکرمهلرنینگ گزارش بیریشیچه، خوفسیزلیک کوچلری اعتراضچیلرنی اوزاقلشتیریش اوچون ترتیبسیزلیکلرگه قرشی جهازلر و کوز یاشرتیرووچی گازدن فایدهلنگن.
اوشبو شهردهگی ترتیبسیزلیکلر کوپهیشی بیلن، آق سرای بیر بیانیه ترقهتیب ایتیشیچه، دونالد ترامپ بیر فرماننی امضا قیلیش بیلن، ملی گاردنینگ یوباریلیش بویروغینی بیرگن.
بیزلرنینگ «ایکس» ترماغی ده هم تعقیب قیلینگ!
کالیفرنیا حاکمی اماگوین نیوسام، مذکور قرارنی «تحریک قیلووچی» دیب و ایتیشیچه، ترامپ سیاسی نمایش یرهتماقچین؛ نه امنیتنی تامینلش. او اهالیدن زورهوانلیکدن واز کیچیب تینچ یول بیلن ناراضلیک نمایش یولگه قوییشلرینی ایستهگن.
بو اوزگریشلر، ترامپ دولتی کونده کمیده ۳۰۰۰ قاچقیننی قولگه آلیب و قانونی حجتگه ایگه بولمهگن قاچقینلر چیقریلیش پروسهسینی کوچهیتیریشگه قرار آلگنینی اعلام قیلگنی بیرحالده، یوز بیرگن.
