امریکا و روسیه جمهور باشلیغلری دونالد ترامپ و ولادیمیر پوتیننینگ اوکراین اوروشیگه چېک قوییش اوچون اوچ ساعتلیک مذاکرهلری، نتیجهسیز یکونلندی.
رویترز، بوگون (۲۵-اسد، شنبه) بو مذاکرهلرنی «مثبت» بهالهگن بولسهده، بیراق بوتوغریده کوپراق تفصیلات بیرمهگن.
بیزلرنینگ فیسبوک صحیفهمیزگه باش اورینگ!
ترامپ و پوتین، قیسقه خبری ییغیلیشده، بعضی مسئلهلرده یوتوقلر بولگنینی تصدیقلهگنلر؛ بیراق اونچهلیک ایضاح کیریتمهی و خبرچیلرنینگ سواللریگه جواب قیتریشمهگن.
امریکا جمهور باشلیغی، فاکسنیوز بیلن اوتکزگن صحبتیده، پوتین و اوکراین جمهور باشلیغی ولودیمیر زلنسکی اوچرهشوولرینی تکلیف قیلگن؛ بیراق بو اوچرهشووده اوزی هم اشتراک ایتیشی کوتیلهدی لېکن او بو اوچرهشوو قچان اوتکزیلیشینی انیقلمهگن.
بیزلرنینگ «ایکس» ترماغی ده هم تعقیب قیلینگ!
پوتین زلنسکی بیلن احتمالی اوچرهشووی گه اشاره قیلمسدن، اوکراین و اروپا اتفاقچیلری واشنگتن و مسکو مذاکرهلری نتیجهسینی قبول قیلیب و «حاضر شکللنهیاتگن یوتوق»لر گه توسیق بولمسلیکلری گه تأکیدلهگن.
روسیه و اوکراین اورتهسیده دوام ایتهیاتگن اوروشده حاضرگه قدر ایکّی تاماندن بیر میلیون کیشی اولیب و یرهلنگنی ایتیلهدی.
