امریکا جمهور باشلیغی دونالد ترامپ، افغانستان اوروشیده اولیب و یرهلنگن بریتانیا عسکرلرینی تحسین قیلگن.
ترامپنینگ اجتماعی ترماقلریده یازیشیچه: «بریتانیانینگ بویوک و نهایت جسور عسکرلری دایم امریکا بیلن بیرگه بولهدی؛ بو رشته هیچ قچان اوزیلمهیدی.»
بو بیانات، بریتانیا باش وزیری کیر استارمرنینگ تنقیدیدن بیر کون اوتگچ بیلدیریلگن. او، ترامپنینگ افغانستان اوروشیده اروپا حربی کوچلرینینگ «اوروش بیرینچی چیزیغیدن اوزاقده» بولگنی حقیدهگی بیاناتلرینی «کمسیتووچی و حیرتلنتیرووچی» دیب اتهگن ایدی.
استارمر و اروپا رهبرلریدن قطاری جملهدن ایتالیا باشوزیری، لهستان باشوزیری و فرانسه جمهور باشلیغی، افغانستان اوروشیده ناتو حضوری حقیدهگی ترامپنینگ بیاناتیگه نسبت، عکسالعمل بیلدیرگنلر.
امریکا و بریتانیا کوچلری یانیده، باشقه اونلب مملکت عسکرلری جملهدن ناتو، افغانستان اوروشیده اشتراک قیلگن. ۱۵۰ کانادالیک، فرانسه کوچلریدن ۹۰ تهسی و جرمنی، ایتالیا، دنمارک و باشقه مملکتلردن اونلب کیشی، افغانستان ده هلاک بولگن.
گزارشلر اساسیده، امریکانینگ ایکی مینگ ۴۰۰ دن آرتیق عسکری، افغانستان اوروشی جریانیده هلاک بولگن.
