امریکا جمهور باشلیغی دونالد ترامپنینگ ایتیشیچه، اسرائیل غزه ده ۶۰ کونلیک آتیش کیسین تکلیفینی قبول قیلگن.
گزارشلر اساسیده، دونالد ترامپ بو موضوعنی اوتگن کون (۱۰-سرطان، سهشنبه)، بیان قیلیب و شونینگدیک حماسدن آتیش کیسین تکلیفینینگ قبول قیلیشینی سورهگن.
بیزلرنینگ فیسبوک صحیفهمیزگه باش اورینگ!
شوندهی بیرحالده، نوار غزه ده اسرائیل هجوملری حاضرگچه دوام قیلیب و یشاوچیلردن قربانلیک آلماقده.
الجزیرهنینگ بوگون گزارش بیریشیچه، اسرائیل کوچلری غزه بویلب ۱۰۹ فلسطینلیک نی قربان قیلگن که مذکور کیشیلردن ۲۸ تهسی، یاردم قولگه کیلتیریش مقصد غزه انسانسیورلیک جمغرمهسی مرکزی (GHF) گه بارگن ایکنلر، بیراق اسرائیل کوچلری تامانیدن اوققه توتیلگنلر.
بیزلرنینگ «ایکس» ترماغی ده هم تعقیب قیلینگ!
فلسطین ساغلیقنی سقلش وزیرلیگینینگ اعلام قیلیشیچه، حماس و اسرائیل آرهسیده اوروش باشلنگنیدن بویان، ۵۶ مینگ ۶۴۷ فلسطینلیک قربان بولیب و ۱۳۴ مینگدن آرتیق کیشی یرهلنگن.
باشقه بیر تاماندن، تقریبی رقملر اساسیده مذکور اوروشلرده بیر مینگ ۱۳۹ کیشی اسرائیل ده هلاک بولیب و ۲۰۰دن آرتیق کیشی گروگه آلینگن.
