امریکا جمهور باشلیغی دونالد ترامپنینگ اعلام قیلیشیچه، کانادا دن کیلتیریلهدیگن توارلرگه تعرفهنی ینه ۱۰ فایز آشیرهدی.
رویترز آژانسینینگ بوگون گزارش بیریشیچه، اوشبو قرار کانادا آرقهلی سوداگرلیک بیر پیام ترقهتیلگنیگه جواب اولهراق آلینگن.
کانادا اوشبو سوداگرلیک پیامده، امریکا سابق جمهور باشلیغی رونالد ریگننینگ ۱۹۸۷-ییلدهگی رادیو نطقیدن فایدهلنگن که مذکور نطقده، تشقی توارلرگه قوییلگن تعرفه ایش اورینلرینینگ اورتهدن کیتیشی و تجاری اوروشنینگ باشلنیشیگه سبب صفتیده کورستهتیلگن.
دونالد ترامپ بو آگاهیلیک ترقهتیلگنینی گمراه قیلووچی دیب و اونده رونالد ریگننینگ تعرفه قوییلیشی سلبی عاقبتلری حقیدهگی سوزلرینینگ ناتوغری شکلده کیلتیریلگنینی ایتگن.
حاضرگچه امریکا آرقهلی ینگیلیکده قوییلگن تعرفهلردن کانادانینگ قیسی توارلری تاثیرلنیشی بیللی ایمس.
امریکا جمهور باشلیغی، شونینگدیک جاری ییل آگست آیینینگ باش کونلریده کانادا دن وارد بولهدیگن توارلرگه ۳۵ فایزلیک تعرفهنی قویگن ایدی.
