امریکا جمهور باشلیغی دونالد ترامپ، ایران گه هسته دستوری و باشقه معمالر بوییچه کیلیشوو گه ایریشیش اوچون ۱۵ کون مهلت بیردی.
ییتکرمهلرنینگ معلوماتیگه کوره، ترامپ ۳۰ دلو/۱۹ فبروری، پنجشنبه کونی ژورنالیستلر بیلن صحبتده، ایران هسته دستوری و باشقه معمالر بوییچه کیلیشووی کیرهک، عکسحالده «یامان واقعهلر» یوز بیریشی ممکن دیب و کیلیشو اوچون ایران گه ۱۵ کون مهلت بیرگن.
اونگه کوره: «یاکی بیز کیلیشو گه ایریشهمیز یا کی بو اولر اوچون بختسیز حادثه گه ایلنهدی.»
اونینگ تأکیدلشیچه، اگر کیلیشوگه ایریشیلمسه، امریکا جدی چارهلر کوریشی، جملهدن حربی حرکتلرنی هم عملگه آشیریشی ممکن.
امریکا جمهور باشلیغی، واشنگتنده اوتگن «تینچلیک کینگشی» ییغیلیشیده هم ایران بیلن مضمونلی کیلیشو زورلیگینی تأکیدلهگن. او کیلیشو بولمسه، امریکا بیر قدم آلدینگه سیلجیشی ممکنلیگی حقیده آگاهلنتیرگن.
معلوماتلر گه کوره، ۲۷ دلو/۱۶ فبروری، دوشنبه کونی ترامپنینگ مخصوص وکیللری ایران دیپلماتلری بیلن بیلواسطه اوچرهشو اوتکزگن. تامانلر مذاکرهلرده معلوم درجهده سیلجیش بارلیگینی بیلدیرگن.
