اسلام امیرلیگی، چین و پاکستان تشقی ایشلر وزیرلری اورتهسیده اوچ تامانلمه آلتینچی ییغیلیش ۲۹-اسد، چهارشنبه کونی کابلده اوتکزیلیب و تامانلر سیاسی، اقتصادی و ترانزیتی همکارلیکلر کېنگهیتیریلیشی گه تأکیدلهگن.
اسلام امیرلیگی تشقی ایشلر وزیرلیگی، بیر بیانیه ترقهتیب اوشبو ییغیلیشده اوچ تامانلمه همکارلیکلر کېنگهیتیریلیشی گه تأکیدلنگنینی بیلدیرگن.
بیزلرنینگ فیسبوک صحیفهمیزگه باش اورینگ!
تشقی ایشلر وزیرلیگی امیرخان متقی، اوشبو ییغیلیشده اسلام امیرلیگی حاکمیتدن سۉنگ تشقی سیاستیده کوپراق اقتصادیات گه دقت قیلیب و افغانستاننی «امنیتی روایتدن «اقتصادی باغلنیش تورت یولی»گه ایلنتیریش گه سعی-حرکت قیلماقدهلیگینی ایتگن.
اونینگ کوپهیتیریشیچه، اوچ مملکت اقتصادی بویوک امکانیت گه ایگه و باشقه مسئلهلر گه دقت قیلینمسدن اوندن فایدهلنیش کېرهک.
چین تشقی ایشلر وزیری وانگ یی، پکن و کابل مناسبتینی یخشی بهالب و افغانستان و پاکستان اورتهسیده دیپلماتیک علاقهنی ایلچی درجهده مهم یوتوق اتهگن.
بیزلرنینگ «ایکس» ترماغی ده هم تعقیب قیلینگ!
پاکستان تشقی ایشلر وزیری محمداسحاقدار، بو اوچ تامانلمه ییغیلیشنی افغانستان، چین و پاکستان اورتهسیدهگی همکارلیکلرنی کېنگهیتیریش اوچون یخشی فرصت دیب و کابل و اسلامآبادنینگ اقتصادی و سودا مناسبتی مستحکملنیشیگه تأکیدلهگن.
