امریکا جمهور باشلیغی دونالد ترامپ، روسیه گه اوکراین بیلن آتیش کیسین ریجهسینی قبول قیلمهگنی صورتده، بو مملکت اقتصادی برابریده ویران قیلووچی و ینگی تحریملرینینگ وضع قیلیشیدن آگاهلنتیرگن.
ترامپ، اوتگن کون بیر ییغینده ایتیشیچه، روسیه گه باسیم کیلتیریلمسدن اوکراین ده آتیش کیسین عملگه آشیریلیشی توغریسیده امیدوار دیر.
بیزلرنینگ «ایکس» ترماغی ده هم تعقیب قیلینگ!
اونینگ کوپهیتیریشیچه: «مالی نقطهی نظریدن بیر قطار اقداملر بار که روسیه اوچون جودهیم یامان و اصلن یخشی بولمهیدی.»
امریکا جمهور باشلیغیگه کوره، اوکراین ده آتیش کیسین ریجهسینینگ عملگه آشیریلیشی روسیه فایدهسیگه بولیشی ممکن.
دونالد ترامپنینگ ایتیشیچه، امریکا دن بیر هئیت اوکراین ده آتیش کیسین ریجهسینی اوزهتیش و مذاکره قیلیش اوچون روسیه گه کیتهدی.
بیزلرنینگ فیسبوک صحیفهمیزگه باش اورینگ!
گرچند روسیه حاضرگچه ترامپنینگ بیاناتی حقیده هیچ بیر فکر بیلدیرمهگن؛ بیراق اوکراین بیلن توقنشوولرگه چیک قوییش توغریسیدهگی ایستهکلریدن بیر فهرستنی امریکا گه اوزهتگن.
اوکراین، ایکی کون آلدین سعودی عربستان ده امریکا رسمیلری بیلن اوتکزگن مذاکرهلرده روسیه بیلن ۳۰ کونلیک وقتینچهلیک آتیش کیسین بوییچه کیلیشووگه موافقت قیلگن.
