سمنگان ده خوفسیزلیک مسئوللرینینگ ایتیشلریچه، اوشبو ولایتده یوز بیرگن ترافیکی حادثه نتیجهسیده، سکیز کیشی اولیب و یرهلنگن.
سمنگان امنیه قوماندانلیگی سوزلاوچیسی حشمتالله رحمانینینگ ایتیشیچه، مذکور حادثه بوگون ایرتهلب (۲۴-قوس، دوشنبه)، اوشبو ولایت حضرتسلطان تومنینینگ «غزنیگک» منطقهسیده یوز بیرگن.
رحمانینینگ کوپهیتیریشیچه، سراچه رسوملی بیر موترنینگ یوک تاشووچی بیر موتر بیلن توقنشووی نتیجهسیده یوز بیرگن مذکور ترافیکی حادثهده، ایکی عیال شامل اوچ کیشی اولیب و بیر عیال شامل بیش کیشی ایسه یرهلنگن.
اونگه کوره، یرهلنگنلر دوالنیش آستیده قرار تاپیب و قربانلردن برچهسی سمنگان ولایتی یشاوچیلری ایکن.
سمنگان امنیه قوماندانلیگی سوزلاوچیسی، اوشبو ترافیکی حادثه سببینی، هیداوچیلرنینگ احتیاطسیزلیگی دیگن.
