بلخ و سمنگان ولایتلرینینگ محلی مسئوللری، اوشبو ولایتلرده یوز بیرگن علیحده ترافیکی حادثهلر نتیجهسیده تورت کیشی هلاک بولیب و باشقه ۶ کیشی یرهلنگنیدن خبر بیردیلر.
بلخ ولایتی امنیه قوماندانلیگی سۉزلاچیسی محمدعیسا وثیق، ۲۱-سنبله، جمعه کونی توشدن سۉنگ بلخ-سمنگان یونهلیشیده یوز بیرگن ترافیکی حادثهده بیر کیشی هلاک بولیب و باشقه تورت کیشی یرهلنگنینی معلوم قیلگن.
اونگه کوره، اوشبو واقعه «سراچه» رسوملی بیر موترنینگ «آقاوه سوو» (فاضلاب) موتری بیلن توقنشووی سبب یوز بیرگن.
شو بیلن بیرگه، سمنگان ولایتی امنیه قوماندانلیگی سۉزلاوچیسی حشمتالله رحمانی اوتگن کیچه اوشبو ولایتنینگ درهصوف پایین تومنیده ترافیکی حادثه یوز بیرگنینی معلوم قیلگن.
اونینگ ایتیشیچه، درهصوف پایین تومنیده «فرونر» رسوملی بیر موترنینگ یولدن چیقیب قولهشی طفیلی اوچ کیشی هلاک بولیب و باشقه ایکّی کیشی یرهلنگن.
مملکتنینگ تورلی ولایتلریده یوللر بوزوقلیگی و هیداوچیلرنینگ دقتسیزلیگی سبب انده-سنده بو کبی واقعهلر یوز بیریب و یشاچیلرن قربانلیک آلیشی اېتیلهدی.
