اوتگن کیچه پاکستان آرقهلی اوتیب-قیتیش یوزیگه تورخم قتناو یولینینگ یاپیلگنی طفیلی، بو منطقهدهگی یولاوچیلر و کسللردن قطاری کوپینچه قیینچیلیکلر بیلن روپهره بولگنلرینی بیان قیلهدیلر.
اولرنینگ ایتیشلریچه، کوپینچه قیینچیلیک بیلن ویزه آلیب و کوپ اوزاقلردن بو ییرگه کیلگنلر، بیراق حاضر ایسه تورخم چیگرهسی یاپیقلیگی سبب، بو یولنینگ قیته آچیلیشیگه قدر کوتیب توریشگه مجبورلر.
بیزلرنینگ فیسبوک صحیفهمیزگه باش اورینگ!
کابل دن تورخم گه بارگن یولاوچیلردن حامد، قیینچیلیکلرینی بیان قیلیب و بو یولنینگ تیزلیکده آچیلیشینی ایستهگن. «آنهم نی دوالنیش مقصد پاکستان تامان آلیب کیلگن ایدیم که یول یاپیلدی. آنهم کسل دیر. حاضر بو ییرده یولنی آچیلیشینی کوتیب تورگنمیز. تیزلیکده بو یولنینگ آچیلیشینی ایستهیمیز.»
افغانستانلیک سوداگرلردن بیری سردارخاننینگ ایتیشیچه، بو ایش نه فقط یولاوچیلر، بلکیم هیداوچیلر، کسللر، سوداگرلر و برچه کیشی اوچون بیر ضرر دیر. اونینگ کوپهیتیریشیچه، پاکستان تورلی بهانهلر بیلن بو یولنی یاپیب و افغانستانلیکلرنینگ میلیونلب زیان کوریشیگه سبب بولهدی. «بیر کون ایکی کون ایمس؛ پاکستان هر قچان ایستهسه یولنی یاپهدی. بو ایش برچه کیشی جملهدن سوداگرلرنینگ زیان کوریشیگه سبب بولهدی. حکومتدن بو قیینچیلیکنینگ دایمی شکلده حل بولینیشینی ایستهیمیز»
شوندهی بیرحالده، تورخم ده اسلام امیرلیگی کمیساری عبدالجبار حکمتنینگ ایتیشیچه، مذکور یولنینگ پاکستان تامانلری بیلن مذاکره یولی آرقهلی قیته آچیلیشی خصوصیده سعیوحرکت قیلماقدهلر.
بیزلرنینگ «ایکس» ترماغی ده هم تعقیب قیلینگ!
جناب حکمت بو یولنینگ یاپیلگنی سببینی بیان قیلیب و کوپهیتیریشیچه: «اوتگن کیچه ساعت ۱۰ اطرافیده پاکستان تامان چیگره یقینیده آستقورمهلرنی قوریشگه باشلهدی و بو بیلن بیرگه بیزلر هم بیر قطار آستقورمهلرنی قیته قوریش بیلن شغللنگن ایدیک؛ بیراق پاکستان تامانی بو ایش بیلن مخالفت قیلدی. بیزلر ایشنی دوام بیردیک و اولر چیگرهنی یاپدیلر و حاضرگچه یاپیق دیر.»
تورخم قتناو یولی بعضا تورلی موضوعلر طفیلی پاکستان آرقهلی یاپیلیب و بو ایش هر مرته یولاوچیلر، کسللر و سوداگرلرنینگ قیینچیلیک بیلن روپهره بولیشلریگه سبب بولهدی.
