فلسطین رسمیلرینینگ اعلام قیلیشیچه، اوتگن بیرکیچه و کوندوزده نوار غزه بویلب اسرائیل آرقهلی اویوشتیریلگن هجوملر نتیجهسیده، اوچ کیشی قربان بولگن.
الجزیره آژانسینینگ بوگون (۲۱-عقرب، چهارشنبه)، گزارش بیریشیچه، نوار غزهنینگ بیر قطار بولیملریگه اسرائیل هجوملری دوامی بیلن بیرگه، اسرائیللیک کوچمنچیلر هم کرانهی باختریده فلسطینلیکلرنینگ قیشلاقلریگه هجوملرینی کوچهیتیرگنلر.
اسرائیللیک اونلب کوچمنچی، اوتگن کونی کرانهی باختریده «بیتلید و دیرشرف» قیشلاقلریگه هجوم قیلیب، فلسطینلیکلرنینگ موترلری و نرسهلرینی آلاو بیرگنلر.
اسرائیل پولیسینینگ اعلام قیلیشیچه، اوشبو زوهوانلیک عامللریدن تورت تهسی قولگه آلینگن؛ بیراق بشری حقوق تشکیلاتینینگ ایتیشیچه، کوچمنچیلر کوپ آز بیر شکلده فلسطینلیکلرگه قرشی زورهوانلیک حرکتلری اوچون جوابگرلیککه تارتیلهدیلر.
شوندهی بیرحالده، غزه مدنی مدافعه تشکیلاتینینگ اعلام قیلیشیچه، حاضرگچه کیملیگی انیقلنمهگن باشقه ۳۵ فلسطینلیکنینگ جسدی، تانیلیش مقصد الشفا کسلخانهسیگه انتقال بیریلگن.
فلسطین ساغلیقنی سقلش وزیرلیگینینگ معلوماتی اساسیده، ۲۰۲۳-ییل اکتبر آییده اوروش باشلنگنیدن بویان، ۶۹ مینگدن آرتیق فلسطینلیک قربان بولیب و ۱۷۰ مینگدن آرتیق کیشی ایسه یرهلنگن.
