کوکلم موسومی ییتیب کیلیشی بیلن، بوگون (۸-حمل، شنبه)، تخار ولایتی رستاق تومنیده اوچ کونلیک عنعنوی مراسم باشلنگن.
محلی مسئوللرنینگ ایتیشلریچه، اوشبو مراسمنینگ اوتکزیلگنیدن مقصد، فرهنگی عنعنهلرنی سقلش، بیردملیکنی مستحکملش و یاشلر همده سپورتچیلرگه ساغلام اویینلر امکانیتینی یرهتیش دیر.
شوندهی بیرحالده، مذکور مراسمنی یولگه قویگنلرنینگ ایتیشلریچه، ییللردن بویان اهالی آرهسیده فرهنگی بیر میراث صفتیده سقلهنیب کیلگن عنعنوی مراسم، تخارنینگ ۱۶ تومنی همده قوشنی ولایتلردن، سپورتچیلر اشتراکی بیلن رستاق تومنی «قوشقانه» دشتیده اوتکزیلگن.
اوشبو مراسمگه تورلی منطقهدن بولگن یوزلب کیشی، اولاق، کورهش، فوتبال و باشقه محلی اویینلرنی یقیندن کوریش مقصد، شرکت قیلگن.
