بادغیس امنیه قوماندانلیگی سوزلاوچیسی صدیقالله صدیقنینگ ایتیشیچه، اوشبو ولایتده اوتگن اوروش جریانیدن پارتلمهی قالگن مایننینگ پارتلشی نتیجهسیده، اوچ باله هلاک بولگن.
جناب صدیقنینگ کوپهیتیریشیچه، مذکور واقعه ۲۲-عقرب، پنجشنبه کونی شام چاغی، بادغیس ولایتی بالامرغاب تومنی «قروتوی» قیشلاغیده، بالهلرنینگ اویلری تامان باریشلری پیتده یوز بیرگن.
اونگه کوره، ماین بیلن افلاسلنگن محللرنینگ تازهلنیشی و بو کبی واقعهلر آلدی آلینیشی اوچون سعیوحرکتلرنینگ دوامی بار.
شونینگدیک ایکی کون آلدین هم، بالامرغاب تومنیده ماین پارتلشی نتیجهسیده، ایکی باله هلاک بولگن.
افغانستان، اوروش جریانیده پارتلمهی قالگن مادهلر بیلن افلاسلنگن مملکتلردن بیری بولیب، یشاوچیلر اینیقسه بالهلردن قربانلیک آلهدی.
