بامیان محلی مسئوللری نینگ ایتیش‌لریچه، قویاش ییل نینگ باشیدن حاضرگچه، خارجی سیاحتچیلر شامل قریب ۲۰۰ مینگ سیاحتچی، اوشبو ولایت نینگ تفریحی مکان‌لریدن کوریب چیقگن. مسئوللر گه کوره، بو یول‌‌دن قریب ۵.۵ میلیون افغانی درآمد قولگه کیلتیرگنلر.
بامیان معلومات و مدنیت ریاست رئیسی سیف‌الرحمن محمدی نینگ سلام‌وطندار گه ایتیشیچه: «قویاش ییل باشیدن قوس آیی نینگ آخری‌گچه، ۱۷۰ مینگ سیاحتچی نی بند امیر ملی پارکی ساحه‌سیده ثبت قیلگن‌میز.»
بامیان معلومات و مدنیت ریاست رئیسی گه کوره، قریب ۳۰ مینگ سیاحتچی اوشبو ولایت نینگ تاریخی مکان‌لری نی کوریب چیقگن که، سیاحتچیلر آره‌سیده ۷۰۰دن آرتیق خارجی هم شامل دیر.
بیزلرنینگ توییترده هم تعقیب قیلینگ!
باشقه بیر تاماندن، بامیان یشاوچیلریدن قطاری نینگ ایتیش‌لریچه، اوشبو ییل سیاحتچیلر رقمی اوتمیش ییل گه قره‌گنده کمه‌یگن. اولر گه کوره، بامیان یشاوچیلری نینگ درآمدی سیاحتچیلر بیلن توغری رابطه‌سی بار. اولر نینگ کوپه‌یتیریش‌لریچه، بو ییل اقتصادی کسب‌کار‌لری اوتمیش ییل گه قره‌گنده بیراز کمه‌یگن. اولر سیاحت‌چیلردن اوشبو ولایت گه سفر قیلیش‌لری نی ایسته‌یدیلر.
بامیان ده هوتل‌چی‌لردن بیری عبدالله سعادت نینگ ایتیشیچه: «بو ییل الحمد‌الله ایچکی سیاحتچیلر سانی یخشی ایدی؛ بیراق جمهوریت توزومی کبی ایمس ایدی. او زمان‌‌ده ایش وضعیتی یخشی ایدی.»
شونده‌ی بیرحالده، بامیان یشاوچیسی بولمیش فریبا حمیدی، اوشبو ولایت یشاوچیلری نینگ اقتصادی و سیاحتچیلر آره‌سیده‌گی توغری رابطه گه تاکید‌لب ایتیشیچه، بامیان ده سیاحتچیلر کمه‌یشی بیلن، مذکور ولایت یشاوچیلری و ایشلاوچیلری کوپ قطاری نینگ اقتصادی کمه‌یگن دیر. او یشاوچیلردن بامیان گه سفر قیلیب و اوشبو ولایت نینگ تاریخی و طبیعی مکان‌لریدن کوریب چیقیش‌لری نی ایسته‌گن.
باشقه بیر تاماندن، بامیان گه سفر قیلگن سیاحت‌چیلردن قطاری، اوشبو ولایت نینگ سیاحت‌چیلیک و تاریخی مکان‌لری نینگ سقلنیشی گه تاکید‌لب، امکانیت کم‌لیگی‌دن شکایت قیله‌دیلر.
بیزلرنینگ فیسبوک صحیفه‌میزگه باش اورینگ!
ینگی‌لیکده عایله‌سی بیلن بامیان گه سفر قیلگن بلخ یشاوچیسی شریف‌الله شریفی نینگ ایتیشیچه: «بامیان ده‌گی تفریحی مکان‌لر افغان‌لر نینگ ملی سرمایه‌سی و هویتی دیر و برچه اهالی اونینگ سقلنیشی خصوصیده جدی بولیش‌لری کیره‌ک.»
او بامیان گه قیلگن سفری جریانیده، ستندرد هوتل‌لر یوقلیگی و قیمت‌لر کوپ‌لیگی کبی قیین‌چیلیک‌لر بیلن روپه‌ره بولگن. جناب شریفی مسئوللردن سیاحتچیلر اوچون کوپراق امکانیت یره‌تیش‌لری نی سوره‌گن.
شونینگدیک شریف‌الله شریفی اسلام امیر‌لیگی حکومتی‌دن سیاحتچیلر نینگ آرام فکر بیلن اوشبو ولایت گه سفر قیلیب و تفریحی مکان‌لردن کوریب چیقیش‌لری اوچون امنیت تامین بولیشی نی ایسته‌دی.
بامیان ده تفریحی مکان‌لردن بیری بند امیر «غلامان، هیبت، پنیر، پودینه، ذوالفقار و قمبر توغانی» اسم‌لری گه آلتی طبیعی جهیل گه ایگه دیر که، ییل‌ده مینگ‌لرچه سیاحتچی گه شاهد دیر. مذکور ساحه ۱۳۸۷-ییل‌ده «بند امیر ملی پارکی» صفتیده نام‌لنگن. شونینگدیک غلغله، ضحاک، بامیان نینگ بت‌لری و اونلرچه تفریحی مکان‌لر اوشبو ولایت نینگ کوپراق سیاحتچی نی اوزی گه جذب قیله‌دیگن ییلردن بیری دیر.