دنیادهگی اېنگ قیمت قهوه (کافی) ریکاردی قید اېتیلدی. گینس ریکاردلر کتابی رسمی سایتی خبر بیریشیچه، اوشبو نایاب ایچیملیک دبی شهریده «روسترز اسپیشل کافی هوس» قهوهخانهسیده تیارلنگن.
معلوماتلر گه کوره، بیر فنجان (پیاله) قهوهنینگ نرخی ۲۵۰۰ درهم گه یعنی تخمیناً ۶۸۰ امریکا دالری گه تېنگ کیلگن. شو طریقه او تاریخدهگی اېنگ بلند بها گه ساتیلگن کافی صفتیده قید ایتیلدی. بیراق بوندهی قیمت قهوهنی ساتیب آلگن مجازنینگ کیملیگی آشکار ایتیلمهگن.
مخصوص ایچیملیک پاناماده ایکیلهدیگن «گیشا» تورکومیگه منسوب نایاب «عربیکا» دانیدن تیارلنگن. بو نوع دنیادهگی اېنگ قیمت، جوده آز حاصل بیرهدیگن همده اوزیگه خاص هید و طعم گه ایگه دانلر قطاری گه کیرهدی.
کافی عشقبازلری آرهسیده «گیشا» دانلری ایلگری هم دنیادهگی اېنگ نادر محصولاتلردن بیری صفتیده مشهور اېدی. بیراق دبیده تیارلنگن اوشبو قهوه اونینگ نفوذینی ېنهده آشیردی و ېنه بیر ریکاردنی تاریخ گه کیریتدی.
