خلقارا ییتکرمهلرنینگ گزارش بیریشیچه، امریکا سپتمبر آییدن حاضرگچه لاتین امریکا قیرغاقلری سوولریده بنگیوار مادهلر قاچاقی بیلن شغللنگنلیککه گمان قیلینگن کیمهلرگه، اعلام بولگن کمیده ۲۲ هجومنی اویوشتیرگن.
الجزیرهنینگ بوگون (۱۵-قوس، شنبه)، گزارش بیریشیچه، اوشبو هجوملر کارائیب سوولری و تینچ اقیانوسنینگ بیر قطار حدودلریده عملگه آشیریلگن.
امریکا رسمیلرینینگ ادعا قیلیشیچه، اوشبو کیمهلر کوپ مقدارده بنگیوار مادهلر یوکینی انتقال بیرهدیگن بولیب و اونینگ نشانگه آلینگنی، واشینگتننینگ قاچاق ترماقلریگه قرشی کمپاینی بیر قسمی حسابلنهدی؛ شوندهی بیرحالده، بو توغریده هیچ قندهی بیر حجت کورستمهگن.
خلقارا حقوق بیلرمانلری و رسمیلر، بو هجوملرنینگ مشروعیتینی سوال آستیگه قوییب و اونی «خلقارا قانونلرنی بوزیش و قانون دایرهسیدن تشقی اولدیریشلر نمونهسی» دیگن. اولرگه کوره، قضایی جریان بولمسدن و قانونی معیارلردن تشقری، جنایت گه گمان قیلینگن کیشیلرگه قرشی حربی کوچدن فایدهلنیش، امریکا اوچون جدی سیاسی و حقوقی عاقبتلرگه سبب بولیشی ممکن.
تنقیدلر بولگنی بیلن بو عملیاتنینگ دوامی بولیب، اونینگ کمهیش یا-ده توختهتیلیشیدن هیچ بیر نشانه کوریلمهیدی.
