امریکا و ایران نسبتا تینچلیک دوریدن سونگ ینه بیر-بیرینینگ حربی نقطهلریگه ضربه بیردی.
ایران اسلام انقلابی قوریقچیلری، امریکانینگ بیر درانی اوریب توشیریلگنی و امریکا تامانیدن لارک آرالیدهگی ایکیته راکته اوچیریش قوریلمهسیگه هجوم قیلینگنینی معلوم قیلدی. ایران اسلام انقلابی قوریقچیلری اوشبو هجومگه جواباً اردنده امریکا حربی پایگاهلریگه ضربه بیرگنلرینی بیلدیردی.
ایران اسلام انقلابی قوریقچیلری، بوگون (۹ سنبله/۳۱ آگست، دوشنبه) بیر بیانیهده اعلان قلیشیچه، امریکانینگ امکیو-۹ رسوملی بیر درانینی هرمز بوغوزی اوستیده نشانگه آلیب و اوریب توشیرگنینی معلوم قیلدی.
ایران اسلام انقلابی قوریقچیلری شونینگدیک، امریکا حربی کوچلری لارک آرالیدهگی ایکیته راکته اوچیریش قوریلمهسینی نشانگه آلگنینی معلوم قیلدی. ایران اسلام انقلابی قوریقچیلرینینگ ایتیشیچه، اوشبو هجوم عاقبتیده بیر قطار حربی کوچلر و تینچ اهالی هلاک بولگن و یرهلنگن.
شو بیلن بیرگه، امریکا مرکزی قوماندانلیگی (سنتکام)، اوز ایکس صحیفهسیده اعلان قیلگن بیاناتیده، امریکا کوچلری هرمز بوغوزیده ایران اسلام انقلابی قوریقچیلرینینگ مینلشتروچی کوچلری تامانیدن «یقینده تهدید» حسابلنگن حرکتی گه جواباً، «چیکلنگن و انیق» هجوم اویوشتیرگنینی معلوم قیلدی.
سنتکام بو حرکت هرمز بوغوزیده سودا کیمهلری و ایرکین تجارتنی محافظه قیلیش مقصدیده عملگه آشیریلگنینی ایتگن.
