بیرلشگن ملتلر تشکیلاتینینگ آزیق-آوقت و ایکینچیلیک دستوری، هلمند، قندهار و بادغیس ده ایسیقخانه قوریشینی معلوم قیلگن.
مذکور تشکیلاتنینگ بوگون (۲۴-حوت/ ۱۵-مارچ، یکشنبه)، اکس صحیفهسیده یازیشیچه، اوشبو ایسیقخانهلر اروپا بیرلشمهسی و بیرلشگن ملتلر تشکیلاتینینگ ترقیاتی دستوری حمایتی بیلن قوریلهدی.
بیرلشگن ملتلر تشکیلاتینینگ آزیق-آوقت و ایکینچیلیک دستوریگه کوره، ایسیقخانهلردن هر بیری بیش عایله آرقهلی اداره بولیشی ممکن. ییل دوامیده مذکور عایلهلر سبزهوات ییتیشتیریب و درآمدلرینینگ آشیره آلیشلری اوچون اوروغ تنلش، سووغاریش و محصوللرنینگ مدیریت قیلیشنی عملی شکلده اورگنهدیلر.
شوندهی بیرحالده، اوشبو تشکیلات ایسیقخانهلر سانی و اولرنینگ خرهجتی توغریسیده هیچ بیر نرسه دیمهگن. شونینگدیک بوندن آلدین هم، بیرلشگن ملتلر تشکیلاتینینگ آزیق-آوقت و ایکینچیلیک دستوری، افغانستاننینگ ولایتلریدن قطاریده ایسیقخانه قورگن.
