بغلان امنیتی مسووللری نینگ ایتیشلریچه، طالبان گروهی استخباراتی نینگ اورین باسری اوشبو گروه ۴ اعضاسی بیلن قولگه آلینگن.
بغلان پولیس قومندانلیگی سوزلاوچیسی جاوید بشارت نینگ ایتیشیچه، مذکور کیشیلر “جمعه” کونی اوشبو ولایت نینگ بغلان مرکزی تومنیدن قولگه آلینگن.
جناب بشارت نینگ کوپهیتیریشیچه، طالبان نینگ استخبارتی اورین باسری و همراهلری کندز – بغلان قتناو یولیده هجوم اویوشتیریش و تینچ اهالیدن پول آلیش مقصد ده ایکنلر.
بغلان پولیس قومندانلیگی سوزلاوچیسی، طالبان گروهی نینگ استخبارات اورین باسری و یولداشلرینی تروریستی هجوم اویوشتیریشگه عیبلگن.
امنیتی مسووللرنینگ ایتیشلریچه، قولگه آلینگن کیشی یانیدن ۵ میل قورال امنیتی کوچلر قولیگه توشگن.
بیراق، طالبان گروهی بوتوغریده فکر بیلدیرمهگن.