ملی خوفسیزلیک عمومی ریاستی نینگ اعلان قیلیشیچه، طالبان گروهی تامانیدن هدف‌لی ترورلر اوچون وظیفه‌لنتیریلگن ۱۵ کیشی‌لیک بیر شبکه اعضالری اوشبو ریاست خاص قطعه‌سی تامانیدن قولگه آلینگن.
بوگون “سه‌شنبه” ملی خوفسیزلیک عمومی ریاستی نینگ بیر خبرنامه نشر قیلیب ایتیشیچه، بو ۱۵ کیشی‌لیک شبکه امنیتی و دفاعی کوچلر و افغانستان سیاسی سیمالرینی ترور قیلیش مقصد ده وظیفه‌لنتیریلگن ایکن‌لر، لیکن هدف‌لی عملیات نتیجه‌سیده قولگه آلینگن.
اعلامیه‌ده کوپه‌یتیریلیشیچه، مذکور شبکه اعضالری ۴ یا-ده ۵ کیشی‌لیک گروه‌لرگه تنظیم بولیب امنیتی و دفاعی کوچلر و سیاسی سیمالرنینگ جای‌لرینی تثبیت قیلگنیدن سونگ، ترور قیلیش برنامه‌نی عملی قیله‌ریکنلر.
عین‌حالده، ننگرهار محلی منبع‌لری، داعش گروهی نینگ پارتلش ماده‌لرنی انتقال بیرووچی مسوولی شامل اوشبو گروه ۳ اعضاسی نینگ قولگه آلینگنیدن خبر بیرگن.
ننگرهار ملی خوفسیزلیک ریاستی نینگ اعلان قیلیشیچه، اوشبو کیشی‌لر اوتگن کیچه ملی خوفسیزلیک خاص قطعه‌سی تامانیدن چپرهار تومنی نینگ «شولانه» منطقه‌سیدن قولگه آلینگن.