مملکت ملی خوفسیزلیک ریاستی نینگ اعلان قیلیشیچه، غزنی ولایتیده اوشبو ریاست خاص کوچلری تامانیدن اویوشتیریلگن عملیات نتیجه‌سیده، القاعده ترماغی نینگ ایکینچی آدمی هلاک ایتیلگن.
ملی خوفسیزلیک ریاستی نینگ اوتگن “شنبه” کونی کیچ قورون توییتر صحیفه‌سیده یازیشیچه، القاعده ترماغی نینگ ییریک اعضاسی ابومحسن‌المصری خاص بیرعملیات آرقه‌لی هلاک ایتیلگن.
عین‌حالده، ایچکی ایش‌لر وزیرلیگی سرپرستی مسعود انداربی نینگ توییتر صحیفه‌سیده یازیشیچه، القاعده ترماغی نینگ ییریک اعضاسینی ملی خوفسیزلیک کوچلری تامانیدن اولدیریلیشی، طالبان گروهی نینگ باشقه تروریستی گروه‌لر بیلن یقین رابطه‌سی بولگنینی کورسته‌دی.
ایچکی ایش‌لر وزیرلیگی سرپرستی نینگ ایتیشیچه، اوشبو رابطه حاضرده دوام قیلماقده و طالبان گروهی تورلی تامان‌لرگه یغلان ایتهدی.
القاعده ترماغی حاضرگهقدر ییریک مقام‌لریدن بیری نینگ افغانستانده هلاک ایتیلگنی خصوصیده صحبت قیلمه‌گن.
القاعده ییریک اعضاسی ابومحسن‌المصری چیت‌ایللیک تروریستی بیر تشکیلات دن مالی حمایت قیلیشی و آمریکا یشاوچی‌لرینی اولدیریش اوچون سعی و حرکت قیلگنی سبب، آمریکا دولتی تامانیدن تعقیب آستیگه قرار بیریلگن ایدی.