افغانستان اولاقچیلری، قزاقستانده خلقارا اولاق تورنمنتیده اشتراک ایتیش اوچون بوگون (۲۳ حوت/۱۴ مارچ، شنبه) بو مملکت گه جونب کیتدی.
افغانستان اولاق فدراسیونی گه کوره، خلقارا اولاق تورنمنتی (کوکپر) ۹ ییل تنفسدن سونگ ایرته قیته باشلنهدی.
افغانستان اولاق فدراسیونی، اوشبو تورنمنتده ۹ مملکت جملهدن افغانستان، اوزبیکستان، تورکیه، چین، قزاقستان، مجارستان، مغولستان، روسیه و تاجیکستاندن اولاق جماعهلری اشتراک ایتیشینی بیلدیرگن.
بو تورنمنت، قزاقستاننینگ تورکستان شهریده قویاش ۱۴۰۴ ییل، ۲۴ حوت دن قویاش ۱۴۰۵ ییل، ۱ حمل گچه اوتکزیلیشی ریجهلشتیریلگن.
اولاق، افغانستان خلقی اینیقسه اوزبیکلر و اورته آسیا مملکتلرینینگ عنعنهوی و سیوملی سپورتلریدن حسابلنهدی.
