غزنی ولایتی جاغوری تومنی یشاوچیلری، شخصی پوللری بیلن «شغلهی علیادتو» اسمی آستیده بیر مکتب قورگنلر.
۱۳ میلیون افغانی عوضیگه، مذکور تومننینگ علیادتو قیشلاغیده قوریلگن اوشبو مکتب، اوتگن کون (۲۰-عقرب، سهشنبه)، فایدهلنیشگه تاپشیریلگن.
غزنی معارف ریاستی نشرات مدیری میاگل صدیقنینگ ایتیشیچه، بو مکتب زمانهوی ستندردلر بیلن قوریلیب، ۲۳ صنف، بیرته جلسه سالونی، مدیریت اتاقی، کتابخانه، لابراتوار و کمپیوتر صنفلریدن عبارت دیر.
جناب صدیقنینگ کوپهیتیریشیچه، اوشبو مکتب فایدهلنیش گه تاپشیریلیشی بیلن قریب ۶۰۰ اوقووچیگه ستندرد تعلیم آلیش زمینهسی یرهتیلگن.
شونینگدیک بوندن آلدین هم جاغوری یشاوچیلری محل سطحیده مکتبلر، ساغلیقنی سقلش مرکزلر و عامالمنفعه لایحهلر عملگه آشیریلیشیده، سیزیلرلی درجهده حصه قوشگنلر.
