بامیان شهری نینگ یشاوچیلیردن قطاری، سونگی کون‌لرده اوشبو شهرده قوراللی اوغریلیکلر نینگ کوپه‌یگنی خصوصیده شکایت قیلگنلر.
بامیان شهری یشاوچیسی احمد نینگ ایتیشیچه، اوتگن ۱۰ کون‌ده، بامیان شهری مرکزی «شهیدان»، «دوراهی ملاغلام» و «قاضان» محله‌لریده اوچ واقعه یوز بیرگن دیر. اونگه کوره، شهیدان محله‌سیده یوز بیرگن واقعه‌ده قوراللی اوغریلر کیچه محل یشاوچیلریدن بیری نینگ اویی گه باریب، ۷۰۰ مینگ افغانی‌سی نی آلگنلر.
جنایی جرم‌لر اینیقسه قوراللی اوغریلیک، دایم تورلی ولایت‌لرده یشاوچیلر نینگ قیین‌چیلیک‌لریدن ایدی که، مالی و جانی زیان‌لر گه سبب بولگن؛ بیراق سونگی کون‌لرده بامیان مرکزیده قوراللی اوغریلیکلر نینگ کوپه‌یگنی اوشبو شهر یشاوچیلری نینگ خواطرلنتیرگن.
بیزلرنینگ توییترده هم تعقیب قیلینگ!
بامیان شهری نیگ یشاوچیلریدن باشقه بیری رحمت‌الله نینگ سلام‌وطندار گه ایتیشیچه، بامیان شهری نینگ مرکزیده «جگره‌خیل»، «زرگران» و «سرآسیاب» محله‌لریده قوراللی اوغریلر، کیچه تامان یشش اویلر گه کیریب و اولر نینگ سرمایه‌لری نی اوزلری بیلن آلیب کیته‌دیلر.
باشقه بیر تامان‌دن، بامیان شهری نینگ یشاوچیلریدن قطاری، سونگی کون‌لرده قوراللی و معمولی اوغریلیکلر نینگ کوپه‌یگنیدن شکایت قیلگنلر. بامیان شهری نیگ یشاوچیسی علی‌شاه نینگ ایتیشیچه، مخدره ماده گه چلینگن‌لر، حبس‌دن قوییب یوباریلگنلریدن کیین، درآمد قولگه کیلتیریشلری اوچون اوغریلیک قیله‌دیلر. اونگه کوره، بامیان محلی مسئوللری، مخدره ماده گه چلینگلر نی درمان قیلمه‌ی، نیچه کون‌دن کیین قماق‌خانه‌دن قوییب یوبارگنلر که، اولر قوییب یوباریلگنلریدن کیین قیته نادرست ایشلر گه یوز کیلتیرگنلر.
بامیان شهری نینگ یشاوچیلری، محلی مسئوللردن شکایت قیلیب و ایتیش‌لریچه، اولر حاضرگچه اوشبو شهرده قوراللی اوغریلیکلر نینگ تکراری بولیشیدن توسیق بولیشی خصوصیده فایده‌لی بیر اقدام نی قولگه آلمه‌گنلر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، ایشانچ‌لی بیر منبع کیم‌لیگی سِر قالیش نی ایسته‌ب، بامیان شهریده قوراللی اوغریلیکلر نینگ موجود‌لیگی نی تصدیق‌لب ایتیشیچه، اوتگن بیر آیده بامیان مرکزیده «دره‌ی سادات» و «شهیدان» کبی تورلی محل‌لرده قوراللی اوغریلیکلر خصوصیده ۵ واقعه یوز بیرگن.
بامیان حاکمی سوزلاوچیسی عبدالصبور فرزان سیغانی نینگ ایتیشیچه، اوشبو ولایت نینگ محلی مسئوللری اینیقسه خوفسیزلیک و کشفی بولیم‌لری، هر هفته اهالی نینگ جان و مالی نی سقلش اوچون امنیتی ییغین‌لر یولگه قویه‌دیلر.