اسرائیل اردوسی‌نینگ ییر و هوا آرقه‌لی هجوملری عاقبتیده، غزه‌ده قربانلرنینگ رقمی ۵۰ مینگ ۲۱ کیشی گه آشگن.
فلسطین ساغلیق‌نی سقلش وزیرلیگی، ۳-حمل، یک‌شنبه کونی بیر بیانیه ترقه‌تیب، اوتگن ۲۴ ساعت ایچیده اسرائیل اردوسی‌نینگ غزه گه هجوملری عاقبتیده باشقه ۴۱ کیشی هلاک بولگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
مذکور وزیرلیک‌نینگ کوپه‌یتیریشیچه، میلادی ۲۰۲۳-ییل، ۷-اکتوبرده حماس و اسرائیل اورته‌سیده اوروش باشلنگچ، اسرائیل‌نینگ غزه گه ییر و هوا آرقه‌لی هجوملری عاقبتیده بو ۴۱ کیشی شامل حاضرگه قدر ۵۰ مینگ ۲۱ کیشی قربان بولگنلر.
شونینگدیک، اسرائیل‌نینگ غزه گه هجوملری عاقبتیده اولگنلر گه علاوه ۱۱۳ مینگ ۲۷۴ کیشی یره‌لنگن.
غزه‌ده قربان بولگنلرنینگ کوپینچه‌سینی عیاللر و باله‌لر تشکیل بیریشی اېتیلگن.
بیزلرنینگ «ایکس» ترماغی ده هم تعقیب قیلینگ!
غزه‌ده اسرائیل و حماس اورته‌سیده اوروش دوام اېتماقده اېکن، بو منطقه‌ده احوال کېسکین‌لشگن، معلومات‌لر اساسیده، آزیق-آوقت، سوو، دارو یېتیشمسلیگی و باش پنه‌سیزلیک، میلیونلرچه تینچ اهالی حیاتینی تهدید قیلماقده دیر.
