کیک‌بوکسینگ ملی تیرمه جماعه سره‌لش مسابقه‌لری نینگ ۱۱ دوری‌ده، شمال‌شرقی حوزه مرکزی قندوز ولایتی میزبانلیگی بیلن ۱۴۰ سپورتچی ۲۵ ولایت‌دن رقابت قیله‌دی. مذکور بیله‌شوولر دوشنبه کونی ۸-حوت، قندوز ولایتی نینگ «اسپین‌زر» مرکزی ستدیومی‌ده باشلنیب و بیش کون‌گچه دوام تاپیشی ممکن.
شونینگدیک ۵۱ کیلوگرام وزن‌ده مملکت کیک‌بوکسینگ تیرمه جماعه‌سیگه اعضا بولگن ناصرخان ملک‌زاده، قندوز ولایتی میزبان‌لیگیده اوتکزیله‌یاتکن اوشبو بیله‌شووده ۵۴ وزن‌ده کوره‌شه‌دی.
اونگه کوره، مذکور ییل‌ده‌گی بیلشوولر یوقاری ظرفیت بیلن یولگه قوییلگن و اوشبو بیله‌شوولر اوچون مملکت بویلب برچه ولایت‌لردن سپورتچی‌لر قتنشگن. جناب ملک‌زاد،مملکت بویلب بو کبی بیله‌شوولر یولگه قوییلیشی خصوصیده خورسند‌لیک بیلدیریب کوپه‌یتیریشیچه، اوز وزنی‌ده غالب بولیش اوچون سعی و حرکت قیله‌دی.
شوندی بیرحالده، مذکور بیله‌شوولر گه شرکت قیلیش اوچون باشقه ولایت‌لردن قندوز گه کیلگن سپورتچی‌لر، بو بیله‌شوولر نینگ بیر تینچ فضا‌ده اوتکزیلیشیدن خورسند‌لیک بیلدیریب، بو کبی بیله‌شوولر کوپراق یولگه قوییلیشی گه تاکید قیلگنلر.
بیزلرنینگ توییترده هم تعقیب قیلینگ!
پکتیا ولایتیدن قندوز گه کیلگن کیک‌بوکسینگ بولیمی مربی‌لریدن بیری دین‌مرجان همت نینگ ایتیشیچه: «قووانچلیک جایی دیر، چونکه بوندن ایلگری دایم بیله شوولر کابل‌ده اوتکزیلر ایدی، حاضر هر بیر ولایت‌ده سهم بیریلگن و هر بیر ولایت‌نینگ سپورتچیسی چانس‌نی تیکشیریش‌گه امکانیتی بار.»
جناب همت نینگ کوپه‌یتیریشیچه، سپورتچی‌لر بو ییرده بیله‌شووگه علاوه بو ولایت اهالی‌سی نینگ فرهنگ، تاریخ و قیزیقرلی مکان‌لرینی هم کوریش‌لری ممکن.
شونینگدیک بو بیله‌شوولر مسئولی نصیراحمد هاتف، مملکت‌ده‌گی سیاسی اوزگریش‌لردن کیین بو کبی اوزگریش‌لر سپورت بولیمیده کیلگنیدن خرسندلیک بیلدیرگن.
جناب هاتف‌گه کوره، مذکور بیله‌شوولر یولگه قوییلیشی‌دن مقصد تیرمه جماعه‌گه اعضا تنلش دیر.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، مملکت کیک‌بوکسینگ بولیمی نینگ مالی اورین‌باسری و داورلر باشلیغی محمدفرهاد ذاهب نینگ ایتیشیچه، قندوز ولایتی میزبان‌لیگی‌ده‌‌گی بیله‌شوو ایکی کتگوریده ۲۵ ولایت‌دن بولگن ۱۴۰ سپورتچی حضوریده یولگه قوییلگن.
مملکت بویلب کیک‌بوکسینگ بولیمیده‌گی بیله‌شوولر قندوز ولایتیده شوندی بیرحالده اوتکزیلماقده دیر کیم، بوندن ایلگری مملکت بویلب کوره‌ش بیله‌شوولری هم بو ولایت‌ده یولگه قوییلگن ایدی.