افغانستان فوتبال ملی تیرمه جماعه‌سی ۲۰۲۶-ییل خلق‌ارا کپی مقدماتی ایکینچی باسقیچی و ۲۰۲۷-ییل آسیا ملت‌لر کپی قیتیش اویینیده، آسیا قهرمانی قطر بیلن قرشی لشه‌دی.
افغانستان فوتبال ملی تیرمه جماعه‌سی فیسبوک صحیفه‌سیده، اوشبو مسابقه بوکیچه (۱۷-جوزا، پنج‌شنبه) کابل وقتی بیلن ساعت ۸:۳۰ اطرافی ده بولیب اۉتیشینی یازگن.
بیزلرنینگ فیسبوک صحیفه‌میزگه باش اورینگ!
بو بیللشوو افغانستان میزبان‌لیگی بیلن سعودی عربستان «شاهزاده عبدالله» سپورت میدانیده یولگه قوییله‌دی.
مملکت ملی پوش‌لری اوشبو مسابقه‌لرده حاضرگه قدر تورت مراتبه مسابقه اۉتکزگن، افغانستان فوتبال تیرمه جماعه‌سی قطر برابری ده ۸:۱ حسابی، کویت برابری ده ۴:۰ حسابی بیلن مغلوب بولگن و هندوستان بیلن قرشی‌لشده بیر مراتبه ۰:۰ حسابی بیلن مساوی و ېنه بیر مراتبه هندوستان برابری ده ۲:۱ حسابی بیلن غالب بولیب و جدول ده اوچینچی اۉرینده قرار تاپگن.
بیزلرنینگ «ایکس» ترماغی ده هم تعقیب قیلینگ!
مملکت فوتبال ملی تیرمه جماعه‌سی قطر بیلن بیللشوودن سۉنگ ۲۲-جوزا کابل وقتی بیلن کیچه ساعت ۱۰:۱۵ اطرافی ده، کویت فوتبال ملی تیرمه جماعه‌سی بیلن اوشبو مملکت نینگ «صباح‌السالم» سپورت میدانیده بیللشووی کوتیله‌دی.