یشش محیط‌نی اسره‌ش ملی اداره مسئوللری، بو اداره کابل شهریده هوا افلاسلنیشینی کمه‌یتیریش اوچون آلتی آی‌لیک قیش ریجه‌سی توزه‌لگنینی اېته‌دیلر.
بو ریجه اوچ باسقیچ‌دن عبارت دیر، بیرینچی باسقیچ حکومت اداره‌لری بیلن هماهنگ بولیش، ایکّینچی باسقیچ هوا ضررلری حقیده یشاوچیلر گه آگاهی‌لیک بیریش و اوچینچی باسقیچ آب‌وهوا نی افلاس‌لنتیرووچی منبعلرنی نظارت اېتیش دیر.
یشش محیط‌نی اسره‌ش ملی اداره‌نینگ هوا افلاسلنیشینی کنترول قیلیش آمری طوفان جبران گه کوره، بو ریجه عملگه آشیریلگن حالده، کابل‌ده هوا افلاس‌لنیشی کمه‌یشی ممکن.
بیزلرنینگ فیسبوک صحیفه‌میزگه باش اورینگ!
موترلرنینگ صفت‌سیز نفت‌دن قوللنیشی و یشش اوی‌لرده تاش کومیر، پلاستیک و رابر یاقیلیشی، کابل شهریده هوا افلاس‌لنیش مهم منبعلریدن سنله‌دی.
یشاوچیلردن بیرقطاری، سرپرست حکومت‌دن هوا افلاسلنیشینی کمه‌یتیریش اوچون، یاقیلغی ماده‌لر نرخینی کمه‌یتیریب و یشاوچیلرنی دایمی برق بیلن تأمینلشنی سوره‌یدیلر.
کابل‌لیک موسا گه کوره: «اوی‌نی ایسیتیش اوچون ساتیب آلیش گه هېچ نرسه گه کوچی‌میز یېتمه‌یدی، مجبور جمپر جاکت، پلاستیک، قاغذ، بوتل، کارتن یاقسه‌ی. عایله‌ده سکیز کیشی‌میز و حکومت‌دن بیزنی ایش بیلن تأمینلب یا که ایش زمینه‌سینی یره‌تیشینی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن باشقه بیری فرهادنینگ ایتیشیچه: «یاغاچ بولمسه قاغذ، پلاستیک کبی نرسه‌لرنی یاقیش گه مجبور میز، دایمی برق بولیب و گاز نرخی کمه‌یشی درکار.»
شونینگدیک، یشش محیط ایش بیلرمان‌لریدن بیرقطاری، شهرده ایسکیرگن موترلر قتنه‌شی، آسمان اوپر بنالر، خشت‌پیشیریش داش‌لر، صناعتی پارک‌لرنی کابل‌ده هوا افلاس‌لنیش اصلی منبعلریدن اته‌یدیلر.
یشش محیط ایش بیلرمانی مصطفا احمدزی، هوا افلاسلنیشینی کمه‌یتیریش خصوصیده ایتیشیچه: «صناعتی فابریکه‌لر حد دن آشه دود تولید قیله‌دی و گاز منبع‌سی دیر هوا افلاس‌لنیشی گه سبب بوله‌دی. فلترلر قوندیریلیشی کېره‌ک و هوا افلاسلنیشینی کمه‌یتیریش اوچون اولر نظارت اېتیلیشی لازم.»
ایش بیلرمان‌لردن باشقه بیرقطاری، صفت‌سیز یاقیلغی ماده‌لر طفیلی هوا افلاس‌لنیشنی کمه‌یتیریش اوچون سرپرست حکومت یشاوچیلرنی برق کبی تمیز انرژی بیلن تأمینلشنی اېسته‌یدیلر.
هوا افلاس‌لنیشی، کابل و باشقه بویوک شهرلرده یشاوچیلرنینگ اساسی قیینچیلیک‌لریدن سنله‌دی و هر ییلی تنفسی و تیری کسل‌لیگی و بیرقطار کیشی‌لرنینگ اولیمیگه سبب بوله‌دی.
