مالیه وزیرلیگی ۳۱-سرطان، یک‌شنبه کونی بیر خبرنامه ترقه‌تیب، ایچکی محصول‌لرنی قۉللب-قوتلش اوچون افغانستان گه وارد اېتیله‌دیگن بیرقطار توارلر تعرفه‌سینی کوپه‌یتیرگنینی معلوم قیلگن.
مالیه وزیرلیگی نینگ خبرنامه‌سیده کېلیشیچه: «آش و مکرونی باجخانه تعرفه‌سی ۲۵ فایز، چپس و کچالو ۵۰ فایز، انشاآتی بنالر نینگ رنگی ۱۶ فایز، یریم پروسس بولگن باتری‌لر ۶.۵ فایز، توش پیپر ۱۰ فایز، موجی بولمه‌گن کارتن و قوطی‌لر ۴۰ فایز، ایاق کییم‌لری نینگ باجخانه تعرفه‌سی ۱۰ فایز، سوو کولری ۱۰ فایز، لای‌دن یسلگن ایدیش‌لر ۱۶ فایز، خام دارو ماده‌لری ۲.۵ فایز و ایچیملیک پودری نینگ باجخانه تعرفه‌سی ۳۰ فایز آشیریلگن.»
صناعتچیلرن بیرقطاری سلام‌وطندار بیلن اۉتکزگن صحبت‌لریده، بیر قطار وارداتی توارلر نینگ باجخانه تعرفه‌لری کوپه‌یتیریلیشی بیلن، ایچکی تولیدلر سوداسی یخشی‌‌لنیشی گه امید بیلدیره‌دیلر.
مانا شرکتی مسئولی همایون مهمند نینگ ایتیشیچه، وارداتی توارلر نینگ باجخانه تعرفه‌سی آشیریلگن حالده، ایشی گه ۳۰ فایز مثبت تأثیر قیله‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «ایشیمیز گه ۳۰ فایز مثبت تأثیر قیله‌دی، نیچه کون آلدین بازار یوق‌لیگی اوچون شرکت خادم‌لریدن ۴۵ کیشینی ایشدن بوشه‌تدیک، بیراق اوشبو ۴۵ کیشی قیته دن ایشگه کېلیش‌لری گه سبب بوله‌دی.»
عابد عثمان انشاآتی رنگ شرکتی مسئولی عبدالحق گه کوره، وارداتی توارلر نینگ باجخانه تعرفه‌سی کوپه‌یتیریلیشی بیلن، مملکتده ایشلب چیقریلگن محصولات سوداسی گه زمینه یره‌تیلیشی ممکن.
اونینگ ایتیشیچه: «وارداتی توارلر تعرفه‌سی کوپه‌یتیریلیشی اونملی دیر و ایچکی رنگ‌لر بازاری آزاد بوله‌دی.»
عین‌حالده، کابل یشاوچیلریدن بیرقطاری سلام‌وطندار بیلن اۉتکزگن صحبت‌لریده ایتیشلریچه، افغانستان نینگ تولیدی شرکت‌لریدن بیرقطاری وارداتی توارلر نینگ باجخانه تعرفه‌سی آشیریلیشیدن فایده‌لنیب و ایچکی تولیدلر نرخینی آشیره‌دیلر.
بیزلرنینگ «ایکس» ترماغی ده هم تعقیب قیلینگ!
کابل یشاوچیلریدن تواب هارون گه کوره: «حاضر خودکفا بولگنی‌میز یوق و تعرفه آشیریلگن حالده ایچکی تولیدلر نرخی آشه‌دی. مثال اوچون اۉتگن ییل افغانستان تاووق گوشتیده خودکفا بولگن‌لیگینی اېتدیلر و کېین اېسه اونینگ نرخی آشدی.»
کابل یشاوچیلریدن باشقه بیری عبدالرحیم بختانی نینگ کوپه‌یتیریشیچه: «تولیدی شرکت‌لر اۉز مفادلری اوچون محصول‌لری نینگ نرخینی آشیره‌دیلر، باغلیق اداره‌لر تامانیدن کنترول بولیب و نرخ‌نامه تعیین اېتیلیشینی اېسته‌یمیز.»
شو بیلن بیرگه، صناعت و سودا وزیرلیگی مسئوللری، ایچکی تولیدی شرکت‌لر نینگ فعالیتی و سوداسیدن نظارت اېتیش‌لریدن ایشانچ بیلدیره‌دیلر.
صناعت و سودا وزیرلیگی سۉزلاوچیسی آخوندزاده عبدالسلام جواد گه کوره: «افغانستان ایچیده تولید قیله‌دیگن شرکت‌لر گه، وارداتی توارلر نینگ باجخانه تعرفه‌سی آشیریلیشیدن فایده‌لنیشگه رخصت بیرمه‌یمیز.»
ایتیش کېره‌ک، اۉتگن ییل صناعت و سودا وزیرلیگی پمیدار، کییم-کیچیک یوویش پودری، تیریک تاووق شامل بیرقطار وارداتی ۹ قلم توار نینگ باجخانه تعرفه‌سینی کوپه‌یتیرگن ایدی.