حزب‌الله لبنان رهبری سیدحسن نصرالله نینگ اولدیریلیشی منطقه و دنیا ده کېنگ کولملی مناسبت‌لر بیلن روپه‌ره بولیب و اۉرته شرق ده اوروش کېنگه‌یشی گه دایر خواطرلرنی آشیرگن.
بیرلشگن ملتلر تشکیلاتی نینگ باش کاتبی آنتونیو گوترش، اۉرته شرق ده اوروش کېنگه‌یشیدن آگاه‌لنتیریب لبنان، اسرائیل و منطقه مملکت‌لر نینگ اهالیسی «کېنگ کولملی» اوروش گه چیده‌ی آلمسلیک‌لرینی اېتگن.
عراق، روسیه، چین و سوریه علیحده ترقه‌تگن بیانیه‌لریده، حزب‌الله لبنان رهبری اولدیریلیشینی قاره‌له‌گنلر.
باشقه تاماندن، ایران تشقی ایشلر وزیری عباس عراقچی، منطقه ده اوروش کېنگه‌یشیدن آگاه‌لنتیریب اسرائیل حسن نصرالله نینگ اولدیریشی بیلن «تینچ‌لیک یوزینی» کورمسلیگینی معلوم قیلگن.
بیزلرنینگ فیسبوک صحیفه‌میزگه باش اورینگ!
حربی ایش بیلرمان‌لردن بیرقطاری، اۉرته شرق احوالینی کېسکینلی و پیش‌بینلیک بولمس اته‌یدیلر.
حربی ایش بیلرمان محمدصادق شینواری گه کوره، حسن نصرالله نینگ اسرائیل و ایران اۉرته‌سیده قدرت معادله‌لریده کلیدی رولی بولیب و اونینگ اولدیریلیشی منطقه ده ایران نینگ سیاست‌لریده مستقیم تأثیر قیلیشی ممکن. «اۉرته شرق ده حسن نصرالله نینگ اولدیریلیشی، منطقه امنیتی و سیاسی احوالینی حساس و پیش‌بینلیک بولمس باسقیچ گه یېتکیزگن. حزب‌الله رهبری ایران و اسرائیل اۉرته‌سیده قدرت معادله‌لریده کلیدی رولی بار اېدی.»
حزب‌الله لبنان رهبری اولدیریلیشیدن سۉنگ، اسرائیل اردوسی لبنان نینگ تورلی حدودلریده هوا هجوملری گه دوام بیریب و ۳۳ کیشی نینگ هلاک بولیشی گه سبب بولگن.
بیزلرنینگ «ایکس» ترماغی ده هم تعقیب قیلینگ!
حربی و استخباراتی ایش بیلرمان‌لردن بیرقطاری نینگ ایتیشلریچه، اۉرته شرق ده اوروش کېنگه‌یب و باشقه قطار مملکت‌لر بیر-بیری بیلن توقنشووی ممکن.
حربی و استخباراتی ایش بیلرمان طاهر یرغل گه کوره، اسرائیل بیلن غزه و لبنان اوروش‌لریده ایران نینگ مهمی رولی بولگن. اونینگ کوپه‌یتیریشیچه، اسرائیل ایران نی مستقیم طرزده بو اوروش گه اره‌لشتیرماقچین؛ بیراق ایران حاضرگه قدر مستقیم توقنشوو دن باش تارتماقده. «اۉرته شرق احوالی مرکب و خوفلی بولگنی گه ایشانه‌من. ایران نینگ اوروش گه اره‌لشتیریش گه سعی-خرکت قیلیشماقده و ایران اېسه حاضرگچه باش تارتگن. غزه و لبنان ده اوروشنی باشله‌گن ایران دیر.»
حزب‌الله لبنان رهبری سیدحسن نصرالله، ۱۴۰۳-ییل، ۶-میزان، جمعه کونی اسرائیل اردوسی نینگ لبنان پایتختی بیروت جنوبی حدودلریده اوشبو آقیم نینگ مرکزی اداره‌سیده هوا هجوملری عاقبتیده اولدیریلدی.
