جنوبی کوریا محکمهسی، اوشبو مملکت سابق جمهور باشلیغی یون سوک یولنی عمرباد قماق جزاسیگه حکم قیلدی.
ییتکرمهلرنینگ معلوماتیگه کوره، جنوبی کوریا محکمهسی بو مملکت سابق جمهور باشلیغینی ۲۰۲۴ ییل آخریده حربی حالت جاری ایتیلیشی بیلن باغلیق حالتلر یوزهسیدن دولت تونتیریشینی اویوشتیریشده عیبلب و عمرباد قماق جزاسیگه حکم قیلگن.
معلوم قیلینیشیچه، میلادی ۲۰۲۴ ییل، ۳ دیسمبر کونی کیچقورون یون سوک یول خلققه مراجعت قیلیب، جنوبی کوریانی شمالی کوریا تهدیدن حمایه قیلیش ضرورلیگینی تأکیدلهگن حالده، مملکتده فوقالعاده حربی حالت اعلان قیلگن.
بیراق بو حرکتدن کیین، جنوبی کوریا پارلمانی فوقالعاده ییغیلیشده، حربی حالتنی بیکار قیلیش بوییچه آواز بیریب، اوشبو قرارنی رد ایتگن.
بوندن اول، سئول مرکزی محکمهسی یون سوک یولنی بیش ییل قملیشینی حکم قیلگن ایدی.
