میلادی ۲۰۲۵-ییلنینگ ۱۹-۲۲ می کونلری ترمذ شهریده «تینچلیک، دوستلیک و فراوانلیکنینگ عمومی مکانینی برپا اېتیش» موضوعسی حقیده مرکزی و جنوبی آسیا اورتهسیدهگی اۉز-ارا باغلیقلیک بوییچه ترمذ ملاقاتینینگ بیرینچی ییغیلیشی بولیب اوتهدی.
تشکیلاتچیلر –اۉزبېکستان جمهوری رئیسی حضوریدهگی استراتیژیک و منطقهلر-ارا تدقیقاتلر انستیتوتی، اۉزبېکستان تشقی ایشلر وزیرلیگی، سودا وصناعت اتاقی، فورم مرکزی و جنوبی آسیا، اروپا، مستقل دولتلر همدوستلیگی، آسیا-تینچ اوقیانوس منطقهسی، امریکا، یقین شرق مملکتلریدن ۲۰۰ گه یقین وکیللرنی بیر ییرگه جمعلهیدی. اولر آرهسیده سیاسی-اقتصادی و تجارت دایرهلر وکیللری، مالیه انستیتوتلری، خلقارا و منطقهوی تشکیلاتلر اعضالری، شونینگدیک، دنیانینگ تورلی تحلیلی همده علمی-تدقیقات مرکزلرینینگ نفوسلی متخصصلر بار.
بیزلرنینگ فیسبوک صحیفهمیزگه باش اورینگ!
ملاقاتدن اساسی مقصد اۉزبېکستان جمهور رئیسی، شوکت میرضیایفنینگ مرکزی و جنوبی آسیا اورتهسیده اۉز-ارا علاقهدارلیکنی مستحکملش بوییچه میلادی ۲۰۲۲-ییلده بیرلشگن ملتلر تشکیلاتی باش ییغلیش/مجلسی تامانیدن قۉللب-قوتلنگن تشبثینی ایلگری سوریش اوچون کوپ تامانلمه مناظره میدانینی شکللنتیریش.
فورم اشتراکچیلری مرکزی و جنوبی آسیا اورتهسیدهگی منطقهلر-ارا همکارلیکنینگ جاری حالتی و استقباللرینی محاکمه قیلهدیلر. اساسی اعتبار خوفسیزلیک، برقرارلیک و ایزچیل رواجلنیشنی تامینلش بوییچه همکارلیکنی مستحکملش، شونینگدیک، اقتصادی اوسیشنی تامینلشده خصوصی سکتور و مالیهوی توزیلمهلرنینگ رولینی کېنگهیتیریش مسئلهلریگه قرهتیلهدی.
بیزلرنینگ «ایکس» ترماغی ده هم تعقیب قیلینگ!
انجمن یکونلری بوییچه کوتیلهیاتگن اساسی نتیجهلردن بیری، بو- مرکزی و جنوبی آسیا اورتهسیده ایشانچ، ملاقات و همکارلیکنی مستحکملش بوییچه سعی-حرکتلرنی بیرلشتیریشگه چقیروچی قبول قیلینیشی حسابلنهدی.
ترمذ ملاقاتی منطقهلر-ارا باغلیقلیکنی ېنهده رواجلنتیریش، کېنگ اوراسیا قارهسیده تینچلیک، خوفسیزلیک و برقرارلیکنی تامینلش استقباللرینی بیلگیلش اوچون دایمی پلتفرم وظیفهسینی بجریش کوزده توتیلگن.
تدبیر سرخاندریا ولایتی ترمذ شهریدهگی «ترمذ خلق-ارا سودا مرکزی» حدودیده اۉتکزیلهدی.
