سۉنگی نیچه ییلده آسترالیا اردوسی نینگ هوا هجوملری عاقبتیده قربان بولگنلر نینگ عایله اعضالریدن بیرقطاری، بو مملکت حربی کوچلری کیچه اولر نینگ یشش اوی گه هجوم قیلیب و عایله اعضالرینی اۉلدیرگنینی ادعا قیلهدیلر.
ارزگان ولایتی چوره تومنی یشاوچیسی نبی گه کوره، آسترالیا حربی کوچلری نینگ هوا هجومی عاقبتیده عایله اعضالریدن آلتی کیشی هلاک بولیب و باشقه اوچ کیشی یرهلنگن. اونینگ کوپهیتیریشیچه: «آسترالیا حربی کوچلری گه منسوب اوچاقلر یشش اوی گه بمب تشلهدی؛ اوییمیز بوزیلدی و بو هجوم طفیلی عایله اعضالریمیزدن آلتی کیشی هلاک بولیب و اوچ کیشی یرهلندی.»
ارزگان ولایتی چوره تومنی یشاوچیسی شمسالله گه کوره، ۱۶ ییل آلدین آسترالیا حربی کوچلری نینگ هجومی عاقبتیده عایله اعضالریدن نیچه کیشی اولیب و یرهلنگن.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «آسترالیا حربی کوچلری اوییمیز گه جوده هم دهشتلی ظلم قیلدی، اولر مجرم و قاتل دیر و محکمه بولیشلری کېرهک.»
قربانلر نینگ عایله اعضالریدن بیرقطاری، آسترالیا حکومتیدن عایله اعضالرینی گناهسیز اۉلدیرگن عسکرلرینی محکمه قیلیشینی اېستهیدیلر.
آسترالیا دولتی ۳۰-سرطان، شنبه کونی ترقهتگن بیانیهسیده، افغانستانده حربی کوچلری تامانیدن ناقانونی طرزده اۉلدیریلگنلر نینگ عایله اعضالری گه قندهی تاوان تولشنی تېکشیریشنی اېتگن.
بیزلرنینگ «ایکس» ترماغی ده هم تعقیب قیلینگ!
بیانیه ده کېلیشیچه: «آسترالیا اردوسی تامانیدن اۉلدیریلگنلر نینگ عایله اعضالری گه تاوان تولش طرح اوستیگه ایشلهماقدهمیز، بو طرح ده افغانستانده آسترالیا کوچلری تامانیدن اۉلدیریلگن کیشیلر نینگ عایله اعضالری کېریتیلهدی، بو ادعالرنی تېکشیریش اوچون بیر وکیل تعیینلنیشی کوتیلهدی.»
معلوماتلر اساسیده، ۲۰۰۵ دن ۲۰۱۶ ییللر ده افغانستانده آسترالیا حربی کوچلری تامانیدن «گناهسیز» چمهسی ۳۹ تینچ اهالی اۉلدیریلگن.
میلادی ۲۰۰۱ ییلدن سۉنگ، آسترالیا قریب ۴۰۰ عسکرینی خلقارا کوچلر نینگ بیر بولیمی اولهراق افغانستان گه یوباردی و بو کوچلر ارزگان ولایتیده جایلشگن اېدیلر.