ایکینچیلیک، سووغاریش و چارواچیلیک وزیرلیگی، بدخشان ولایتیده ۲۱۹ ته تجارتی باغنینگ قوریلیشی باشلنگنیدن خبر بیردی.
اوشبو وزیرلیک، بوگون (۱۹ حوت/۱۰ مارچ، سهشنبه) بیر بیانیه ترقهتیب، بو تجارتی باغلرنینگ قوریلیشی آغاخان جمغرمهسی همکارلیگی و اروپا اتفاقی مالیهوی حمایتی بیلن، بدخشان ایکینچیلیک، سووغاریش و چارواچیلیک ریاستی تامانیدن باشلنگنینی بیلدیردی.
بیانیه گه کوره، اوشبو باغلر قوریلیشی اوچون یانغاق، بادام، ناک، آلو، آلمه و اوزوم شامل میوهلی جمعی ۱۹ مینگ ۸۷۵ نهال، بدخشان ولایتینینگ فیضآباد، شهر بزرگ، یفتل پایان، ارگو، تشکان، بهارک، جرم، شهدا، خاش، وردوج، یمگان، کران و منجان تومنلریدهگی دهقانلر گه ترقهتیلهدی.
بو دستوردن مقصد، تجارتی باغلرنی رواجلنتیریش، ایکینچیلیک محصولاتنی آشیریش و دهقانلر گه ایش فرصتلری یرهتیلیشی دییلگن. مسئوللر گه کوره، اوشبو باغلر قوریلگن حالده، محلی اقتصاد کوچلنیشی و یشاوچیلر حیاتی یخشیلنیشیگه یاردم بیریشی ممکن.
اوشبو دستور باشلنیش مراسمی، ایکینچلیک ریاستی مسئوللری و آغاخان جمغرمهسی وکیللری اشتراکی بیلن فیضآباد شهریده اوتکزیلگن.
