سرپرست حکومت ترانسپورت و هوا یوللری وزیرلیگی نینگ هواشناسلیک ریاستی بوگون و اېرته (۴ و ۵-سرطان کونلری) مملکت نینگ ۱۸ ولایتیده کوچلی یامغیر یاغیب، سوو تاشقینی و بوران یوز بیریش احتمالیدن آگاهلنتیرگن.
بیزلرنینگ فیسبوک صحیفهمیزگه باش اورینگ!
اوشبو ریاست بوگون ایکس اجتماعی ترماغیده بیر خبرنامه ترقهتیب ایتیشیچه، بدخشان، تخار، فاریاب، سرپل، سمنگان، بغلان، پنجشیر، پروان، نورستان، کنر، ننگرهار، لوگر، خوست، پکتیا، میدانوردک، کابل، بامیان و غور ولایتلریده کوچلی یامغیر یاغیب، سوو تاشقینی و بوران یوز بیریش احتمالی پیشبینلیک بولگن.
شونینگدیک مذکور ریاست، اوشبو ولایتلر نینگ تورلی منطقهلریده یامغیر یاغیش میزانینی ۱۵ دن ۳۵ ملیمتر پیشبینلیک قیلگن.
بیزلرنینگ «ایکس» ترماغی ده هم تعقیب قیلینگ!
اوشبو ریاست گه کوره، سالنگلر شامل مملکت نینگ شمال، غرب، جنوب و مرکزی ولایتلریده نسبتن کوچلی بوران یوز بیریشی ممکن، تورلی منطقهلرده بوران تېزلیگی بیر ساعت ده ۵۰ دن ۸۰ کیلومتر پیشبینلیک بولگن.
ایتیش کېرهک سۉنگی هفتهلرده مملکت نینگ تورلی ولایتلریده کوچلی یامغیر و سوو تاشقینلری اهالی گه کوپینچه مالی و جانی نقصان یېتکیزگن.