تورک دولتلری تشکیلاتی تامانیدن تشکیل اېتیلگن تورک دنیاسی اکادمیه کمیته‌سی، ۳۴ حرف دن عبارت مشترک تورک الفباسینی قبول قیلگن.
تورکیه «تی‌آر‌تی» یېتکرمه‌سی ۲۱-سنبله، چهارشنبه کونی ترقه‌تگن گزارشیده، تورک دنیاسی عالملری ۳۴ حرف دن عبارت مشترک تورک الفباسینی قبول قیلگنلرینی معلوم قیلگن.
بیزلرنینگ فیسبوک صحیفه‌میزگه باش اورینگ!
تورک دنیاسی عالملری تامانیدن ینگی‌لیکده قبول قیلینگن بو الفبا، تورک خلقلری اۉرته‌سیده اۉز ارا توشونیش و همکارلیکّه یاردم بیریشی اېتیلگن.
ینگی الفبا، تورک عالملری تامانیدن ۱۹۹۱-ییلده ایلک‌بار تکلیف قیلینگن لاتین الفباسی اساسیده تیارلنگنی اېتیله‌دی.
تورک دنیاسی اکادمیه‌سی کمیته‌سی نینگ بیاناتیده کېلیشیچه: «تورک دنیاسی الفباسی اوچون آلیب باریلگن برچه سعی-حرکت‌لر طفیلی ۳۴ حرف دن عبارت الفبا قبول قیلیندی. بو الفبا دهگی هر بیر حرف تورکی تیللرده اوچره‌یدیگن سۉزلر گه یاردم بیره‌دی. بو تورک خلقلری اۉرته‌سیده اۉز ارا توشونیش و همکارلیکّه یاردم بیره‌دی.»
بیزلرنینگ «ایکس» ترماغی ده هم تعقیب قیلینگ!
مذکور کمیته نینگ بیاناتیده، تورک خلقلری و تورک تشکیلات‌لریدن ینگی قبول قیلینگن الفبا عملگه آشیریلیشی اوچون فعال حصه قوشیش‌لری تأکید اېتیلگن.