غزنی مملکتنینگ زراعتی ولایتلریدن بولیب، ۱۸ تومنگه ایگه بولیش بیلن ایکینچیلیک محصوللری ایکیلیشی و چاروهچیلیک اوچون یخشی بیر امکانیتنی یرهتگن. بو آرهده، عیاللرنینگ ایکینچیلیک فعالیتلری، چاروه باقیش و سوت محصوللری ایشلب چیقریلیشیدهگی اورنی، سیزیلرلی و تاثیرچین حسابلنهدی.
غزنی دهگی چاروهچی و دهقان عیاللردن قطاری، سلاموطندار گه ایشلری توغریسیدهگی یوتوقلر و قیینچیلیکلرینی بیان قیلگنلر. اوشبو ولایتده ایکی ییلدن بویان بیر ایسیقخانهده ایش بیلن شغللنگن عیاللردن نسیمهنینگ ایتیشیچه، بو ایشدن قولگه کیلتیرهدیگن درآمددن رضایتی بولیب و زراعتی تعلیمی برنامهلر آرقهلی، ایش مدیریتی اوچون نیاز بولگن مهارتلرنی اورگنگن. «یخشی درآمدیم بار، بیرینچی مرته بو توغریده سیمینار بیریلدی. ایکی ییلدن بیری بو بولیمده ایش بیلن شغللنگنمین. دوکاندارلر کیلیب محصوللرنی آلهدیلر. ایشیمیزدن رضایتیمیز بار. اوزیم بیلن بیرگه باشقه اوچ کیشی ایشلهیدی.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، غزنی ولایتیده لبنیات ایشلب چیقریش و تاووقچیلیب بولیمیدهگی فعال عیاللردن بیری گلچمن، ایشی توغریسیدهگی قیینچیلیکلردن شکایت قیلیب و ایتیشیچه: «برق قیینچیلیگی بار. برق کیتگنیده جوجهلر ساغلام شکلده چیقمهیدی. قیینچیلیگیمیز برق و شیشهای بوتل دیر. آوقت مادهلری شیشهای بوتلدن باشقه بوتللرده سقلنمهیدی.»
شونینگدیک مذکور ولایتده اوشبو بولیمدهگی فعال عیاللردن باشقه بیری بتولگه کوره: «هیچ بیر نهاد و موسسه تامانیدن حمایت بولمهگنمیز. نهادلر و موسسهلردن بیزلرنینگ قوللب-قوتلشلرینی ایستهیمیز که مستقل بولیب و درآمد منبعسیگه ایگه بولسهک. قیغو بیلن ایش وضعیتی اونچه یخشی ایمس. دایمی مشتریمیز یوق و قراردادی ایش هم آز تاپیلهدی.»
غزنی ده اقتصادی ایش بیلرمانلر، عایلهلر اقتصادی تامینلنیشیده عیاللر حصهسینی سیزیلرلی دیب و ایتیشلریچه، اوشبو ولایت مرکزی و تومنلرده ایکینچیلیک، چاورهچیلیک و زراعتی محصوللر پروسسسی بولیمیده عیاللر حضوری، مهم دیر.
اقتصادی ایش بیلرمانلردن بیری مریم حیدرینینگ سلاموطندار گه ایتیشیچه، اقتصاد ساحهلریده عیاللر اورنی جمعیتده آزراق ثبت بولیب و گزارش بیریلیشی بیلن، بیراق بو توغریده اولرنینگ سهمی یاردم بیرووچی و عایلهلر اقتصادی رواجلنیشی اوچون مهم دیر. «عیاللردن کوپ قطاری عایلهنینگ ایش کوچی صفتیده اقتصادلریده مهم اورینگه ایگه دیر. کیچیک لایحهلر قالبیده عیاللر فعالیتینینگ ارزشی بار. سبزهوات ایکیلیشی و توپلنیشی، طبی اوسیملیکلر ایکیلیشی و قوریتیلیشی، میوهلر بیلن سبزهواتلرنینگ پاکتلنیشی و اوی باغچهلرینی سقلش، غزنی ولایتیده عیاللرنینگ زراعتی فعالیتلری دیب حسابله آلهمیز.»
شوندهی بیرحالده، غزنی ایکینچیلیک، سووغاریش و چاروهچیلیک ریاستیده مسئوللر، دهقان و ایکینچی عیاللر سانی توغریسیده بیللی معلومات گه ایگه بولمسهلرده، بیراق ایتیشلریچه، بو ولایتدهگی عیاللردن قریب ۳۰-۴۰ فایزی ایکینچیلیک و چاروهچیلیک بولیمیده فعالیت قیلماقده. اولرگه کوره، اوشبو ادارهده بو توغریده فعال عیاللرنی قوللب-قوتلش مقصد، بیر قطار تعلیمی و آگاهیلیک بیریش برنامهلرینی اوتکزگنلر.
بیزلرنینگ فیسبوک صحیفهمیزگه باش اورینگ!
غزنی زراعت ریاستینینگ اوسیملیکلرین سقلش عمومی مدیری محمدذکریا هوتکنینگ سلاموطندار گه ایتیشیچه، مذکور ریاست آرقهلی عیاللرگه اصلاح بولگن اوروغنینگ ترقهتیلیشی، ایسیقخانهلر یرهتیلیشی و ساغین ایچکی یاردم بیریلیشیده اقدام بولگن. جناب هوتکنینگ کوپهیتیریشیچه: «بو توغریده بیللی بیر معلومات یوق، بیراق عایلهلر و عیاللردن قریب ۳۰-۴۰ فایزینینگ ایش بیلن شغللنگنینی اَیته آلهمیز. خوشبختانه غزنی ایکینچیلیک، سووغاریش و چاروهچیلیک ریاستی اوتگن ییللر و جاری ییل جریانیده زراعت و چاروهچیلیک بولیمیده برنامهلری بولگن.»
ایتیش کیرهک که، عیاللرنینگ مستقل فعالیتلری یانیده غزنی ولایتیده ایکینچی و چاروهچی عایلهلردن قطاری چاروه باقیش، لبنیات ایشلب چیقریش و حتا ایکینچیلیکنینگ قیین ایشلرینی انجام بیریشده ایرککلر یانیده فعال حصه قوشهدیگن عیاللرنینگ سعیوحرکتلریگه تیگیشلی دیر. مذکور عایلهوی همکارلیک غزنی قیشلاقلریدهگی اهالینینگ یشش اقتصادیده مهم بولیم حسابلنهدی.
