افغانستان سودا و سرمایه یاتقیزیش اتاقی، مرکزی بانک‌دن کابل شهزاده سرایی‌ده‌گی صراف‌لر بیرلشمه‌سی‌گه، سیاسی و امنیتی باسیم کیلتیرمسلیگی‌نی ایسته‌گن.
اوشبو اتاق‌نینگ مدیره هیئت اعضاسی خان‌جان الکوزی، بوگون (۱۵-دلو، دوشنبه) کابل‌ده افغانی پول ارزشی‌نی سقلش اوچون مرکزی بانک اقدام‌لری‌دن خصوصی سکتور‌‌نینگ همه تامانلمه قوللب-قوتلش اسمی آستیده اوتکزیلگن خبری بیر ییغیلیش‌ده بونده‌ی بیانات بیرگن.
اونینگ کوپه‌یتیریشیچه: «شهزاده سرای تاریخی و ارزشلی بیر مرکز دیر بو مرکز گه حربی و امنیتی باسیم کیلتیریلمه‌ی و بانکی قاعده‌لر اساسیده یانده‌شیلیشی کیره‌ک.»
بیزلرنینگ فیسبوک صحیفه‌میزگه باش اورینگ!
اوشبو ییغیلیش‌ده، افغانستان مرکزی بانکی مسئوللری، یشاوچیلردن تشقی پول‌لر برابریده افغانی پول ارزشی‌نی سقلش اوچون، کونده‌لیک آلیش-بیریشلریده افغانی پول‌دن فایده‌لنیشلرینی ایسته‌گنلر.
افغانستان مرکزی بانک اورین‌باسری صدیق‌الله خالد‌نینگ ایتیشیچه، بو بانک مالی نهاد‌لر و مملکت پول بازارلری نیازینی تامینلش مقصد، ییترلی پول منبع‌لری گه ایگه دیر.
اونگه کوره: «مرکزی بانک، مملکت بازارلری و مالی نهادلرنینگ احتیاجلرینی تأمینلش اوچون ییترلیچه مالی منبع گه ایگه دیر و افغانی ملی کیم‌لیگی‌میز دیر و سوداگرلر شامل بوتون کیشیلر افغانی پول بیلن معامله قیلیش‌لری کیره‌ک و افغانستان مرکزی بانکی بوتون آلیش-بیریش‌لر افغانی پول بیلن معامله بولیشی اوچون سعی-حرکت قیلماقده.»
بیزلرنینگ «ایکس» ترماغی ده هم تعقیب قیلینگ!
شونده‌‌ی بیرحالده، کابل شهری شهزاده سرایی‌ده‌گی صراف‌لر بیرلشمه‌سی، مرکزی بانک‌دن افغانی پول‌گه پایدار ثبات یره‌تیلیشی اوچون ییترلی اقداملرنینگ قولگه آلیشینی ایسته‌گن.
کابل شهری شهزاده سرایی‌ده‌گی صراف‌لر بیرلشمه‌سی باشلیغی بهرام‌‌خان زدران‌نینگ ایتیشیچه: «مرکزی بانک بیرگن وعده‌لری گه عمل قیلگن و افغانی پول ملی کیم‌لیگی‌میز دیر و افغانی پول افغانستان پولی بازارلریده دایمی ثباتینی سقلش اوچون مرکزی بانک بو گَل پولی سیاستی گه دوام بیریش گه امید بیلدیره‌میز.»
۲۰۲۵-ییل‌‌نینگ جنوری آیی‌ده، افغانستان گه نقدی یاردم‌لر توخته‌تیلیشی حقیده امریکا جمهور باشلیغی دونالد ترامپ‌نینگ آگاه‌لنتیرگنی‌دن کیین، کابل بازارلریده بیر دالر قیمتی ۶۹ افغانی‌دن ۸۴ افغانی گچه المشتیریلگن، بیراق اوزگریشلردن کیین حاضر ایسه کابل بازارلریده بیر دالر ۷۴ افغانی‌گه المشتیریلماقده‌لیگی ایتیله‌دی.
