بامیان؛ بیر عیال تورموش اورتاغی تامانیدن فاجعه‌لی شکلده اولدیریلگن
بامیان محلی مسوول‌لری نینگ ایتیش‌لریچه، اوشبو ولایت نینگ یکه‌ولنگ تومنیده بیر ایرکک ۳۵ یاشر تورموش اورتاغی نینگ باشینی کیسگن.
بامیان پولیس قومندانلیگی نینگ جنایت‌لرگه قرشی کوره‌ش مدیری محمد موسی امامی نینگ سلام‌وطندارگه ایتیشیچه، قاتل قاچیب کیتگن و بو توغریده تیکشیریش‌لر باشلنگن.
امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو واقعه یکه‌ولنگ تومنی نینگ «سرترنوک» منطقه‌سیده یوز بیرگن.
منبع‌گه کوره، مقتول نی آتی «گل‌بخت» دیر. اونینگ ایتیشیچه، اوشبو زوج ۸ ییل آلدین تورموش قورگن ایکن، بیراق عایله‌وی قیین‌چیلیک‌لر سبب، مذکور عیال ۵ ییلدن بویان آته‌سی نینگ اویگه تیریک‌چیلیک قیله‌ریکن و بیر آی آلدین قوم بویوک‌لری نینگ دخالتی سبب، تورموش اورتاغی نینگ اویگه بارگن ایکن، لیکن تورموش اورتاغی تامانیدن فاجعه‌لی شکلده اولدیریلگن.
بامیان ولایتی بوییچه عیاللر ریاستی باشلیغی ذکیه رضایی نینگ بو خبرنی تصدیق‌لب ایتیشیچه، بو توغریده قاتیل نینگ ایناغه‌سی قولگه آلینگن.
بامیان ولایتی بوییچه عیاللر ریاستی معلوماتی‌گه کوره، اوتگن ۷ آی جریانیده عیاللرگه قرشی کمیده ۲۰۰ زوروانلیک واقعه قید ایتیلگن، لیکن اوتگن ییل عیاللرگه قرشی ۱۶۰ واقعه قید ایتیلگن ایکن.