نماینده‌لر کینگشی عضوی خان‌محمد وردک نینگ موترلری برابریده یوز بیرگن پارتلشده ۸ کیشی هلاک و باشقه ۱۵ کیشی یره‌لنگن.
بوگون “یکشنبه” ایرته‌دن چاغیده کابل شهری نینگ ۵- ناحیه‌سیگه تیگیشلی بولگن سپین‌کلی منطقه‌سیده پارتلش یوز بیرگن.
ایچکی ایشلر وزیرلیگی نینگ اعلان قیلیشیچه، کابل شهری نینگ ۵- ناحیه‌سیده یوز بیرگن پارتلشده ۸ کیشی هلاک و نماینده‌لر کینگشی عضوی خان‌محمد وردک شامل ۱۵ کیشی یره‌لنگن.
ایچکی ایشلر وزیرلیگی سوزلاوچیسی طارق آرین نینگ توییتر صحیفه‌سیده یازیشیچه، یره‌لنگنلر آره‌سیده عیال‌لر، باله‌لر و آقسقال‌لر هم شامل دیر.
جناب طارق نینگ کوپه‌یتیریشیچه، اوشبو واقعه‌ده کوپ قطار مسکونی اوی زیان کورگن.
ایتیلیشیچه، حاضرگه‌قدر هیچ‌بیر گروه بو واقعه مسؤلیتی‌نی بوینیگه آلمه‌گن.
