اسلام امیر‌لیکی سوزلاوچیسی ذبیح‌الله مجاهد، بوگون (چهارشنبه، ۲۶-دلو) افغانستان دن شوروی چیقیشی نینگ ۳۴-ییل‌لیگی مناسبتی گه بیر اعلامیه ترقه‌تیب ایتیشیچه، «افغانلر» اوروش میدانی‌ده غالب بولگنلری کبی توشونیش و تعامل ده هم «صمیمی و صادق»لر و هیچ بیر تامان اولر نینگ آزار و اذیتی اوچون سعی و حرکت قیلمه‌یشی کیره‌ک.
اعلامیه ده کیلگن که، بوگون‌دن ۳۴ ییل آلدین، سابق شوروی اتفاقی کوچلری افغانستان دن چیقیب و «اوز اشغال‌لری گه چیک قوییش» خصوصیده مجبور بولگنلر.
بیزلرنینگ فیسبوک صحیفه‌میزگه باش اورینگ!
شونینگدیک اعلامیه ده یازیلگن: «افغانستان اسلام امیر‌لیگی حرمت‌لی ملتی‌میز نینگ جهاد، فداکارلیک و قربان‌لیکلری نتیجه‌سیده، کوچلی اشغال‌گر نینگ مغلوب بولیشی گه روپه‌ره بولگنی اوشبو بویوک کون نی، برچه ملت گه تبریک‌لب و تاریخ‌ده اونی افتخار‌لی بیر کون دیب بیله‌دی.»
اسلام امیر‌لیگی اوشبو اعلامیه ده ایتیشیچه، افغانستان دایم اونملی بیر مملکت صفتیده قالیب و اوشبو مملکت‌ده یوز بیرگن «یامان حادثه‌لر» برچه منطقه گه یامان تاثیر قویه‌دی.
شونینگدیک اعلامیه‌ده کیلگن که: «۱۳۵۸-ییل ۶-جدی سابق شوروی اتفاقی نینگ تجاوزی باشلندی، ۹ ییل‌لیک دوره‌سیده افغانلر گه شهادت‌لر، ناتینچ‌لیک‌لر، قشاق‌لیک و قیین‌چیلیک‌لر نی کیلتیرگن و منطقه‌لر گه مهاجرت‌لر و باشقه زیان‌لر نی ییتیشتیرگن؛ بیراق افغانلر نینگ قربانی‌لیک‌لری و مجاهد‌لر نینگ کوچلی تلاش‌لری سبب، مذکور بویوک تجاوز مغلوب بولدی.»
اعلامیه‌ده کیلگن که، افغانلر تجاوز‌کار کیشی ایمس؛ بیراق باشقه‌لر نینگ تجاوزی نی هم تحمل قیلمه‌یدی. اعلامیه‌ده تاکید بولگن که: «شوروی نینگ تجاوزی‌دن کیین، آمریکا رهبر‌لیگی گه اشغال باشلنیب و اونینگ شکستی هم، ینه افغانلر نینگ تشقی‌لر برابریده حساس بولگنی نی ثابت قیلدی و دینی، آزادی و مملکت استقلالی‌دن دفاع قیلیش نی ایمانی و دینی مکلفیت‌لری بیله‌دیلر.»
اسلام امیر‌لیگی نینگ اورغولشیچه، مملکت‌لر اوشبو حکومت بیلن «بیللی و یخشی» تعامل قیلگنلری صورت‌ده، اسلام امیر‌لیگی هم «دینی و اوزی نینگ ملی منفعت‌لری نی نظر گه آلیب و ایجابی تعامل خصوصیده تیار» بوله‌دی.
بیزلرنینگ توییترده هم تعقیب قیلینگ!
شونینگدیک اعلامیه‌ده یازیلگن: «حاضر افغانستان ده اسلام امیر‌لیگی باشچی‌لیگیده مشروع، بیرلشگن و مستقل بیر حاکمیت برقرار بولگن، اوشبو فرصت‌دن فایده‌لنیش و پیشرفت‌لر اوچون ایجابی سعی و حرکت قیلیش برچه نینگ خیری گه دیر.»
سابق شوروی اتفاقی کوچلری اوشبو کون (۱۳۶۷ ییل ۲۶-دلو)، ۳۴ ییل آلدین افغانستان‌دن چیقدیلر.
