قزاقستان خلقارا اولاق تورنمنتی (کوکپر) بوگون (۲۶ حوت/۱۷ مارچ، سهشنبه) بیش جماعهنینگ کوچ سینهشی بیلن باشلنهدی.
افغانستان اولاق فدراسیونی گه کوره، بو تورنمنتنینگ قرعه تشلش باسقیچی بولیب اوتگن و تورلی مملکتلرنینگ اولاق ملی تیرمه جماعهلری رقیبلرینی تانیگن.
اوشبو تورنمنت، بوگون توشدن آلدین کابل وقتی بیلن ساعت ۱۱:۳۰ ده، اوزبیکستان-چین اولاقچیلرینینگ کوچ سینهشی بیلن باشلنگن. شونینگدیک، کوکپر تورنمنتینینگ گروهی باسقیچیده روسیه-مغولستان ساعت ۱۲:۳۰ده؛ قزاقستان-تاجیکستان توشدن کیین ساعت ۱:۳۰ده؛ افغانستان-مجارستان ساعت ۲:۳۰ ده و نهایت تورکیه-اوزبیکستان ساعت ۳:۳۰ ده بیللشهدی.
اوشبو تورنمنتده، ۹ اولاق تیرمهسی جماعهسی اشتراک ایتگن و ایکی گروهده بیللشهدیلر، بیرینچی گروهده تورکیه، چین، قزاقستان، اوزبیکستان و تاجیکستان و ایکینچی گروهده ایسه، افغانستان، روسیه، مجارستان و مغولستان کوچ سینشهدی.
بو تورنمنت، قزاقستاننینگ تورکستان شهریده قویاش ۱۴۰۴ ییل، ۲۴ حوت دن قویاش ۱۴۰۵ ییل، ۱ حمل گچه اوتکزیلیشی کوتیلهدی.
