میدان‌وردک محلی مسوول‌لری نینگ ایتیش‌لریچه، اوشبو ولایت نینگ جلریز تومینده ایکی مسافر تاشیووچی موترنینگ جاده چکه‌سیده جایلشتیریلگن ماین بیلن دوچ کیلگنی سبب، ۵ تینچ اهالی هلاک و باشقه ۱۴ کیشی یره‌لنگن.
جلریز تومنی ولسوالی خلیل‌الرحمان خلیلی نینگ سلام‌وطندارگه ایتیشیچه، بو واقعه بوگون “سه‌شنبه” ایرته‌دن چاغیده اوشبو ولایت نینگ «کوته عشرو» منطقه‌سیده یوز بیرگن.
اونینگ معلوماتی‌گه کوره، بو واقعه‌ده قربان بولگن‌لر بامیان ولایتی نینگ «ورس» تومنی یشاوچی‌لریدن دیر.
بیراق، میدان‌وردک ولایتی کینگش عضوی شریف‌الله هوتک نینگ ایتیشیچه، اونینگ اختیاریگه قرار تاپگن معلومات‌لرگه کوره، بو واقعه‌ده ۱۰ کیشی هلاک و باشقه ۸ کیشی یره‌لنگن.
محلی مسوول‌لرنینگ ایتیش‌لریچه، یره‌لنگن کیشی‌لر میدان‌وردک مرکزی میدان‌شهر ده بولگن دولتی کسلخانه‌گه انتقال بیریلگن.
میدان‌وردک مسوول‌لریگه کوره، مذکور ماین طالبان گروهی تامانیدن جایلشتیریلگن، بیراق طالبان گروهی حاضرگه‌قدر بوتوغریده فکر بیلدیرمه‌گن.